བོད་ལྗོངས།
སྲིད་གཞུང་གི་ལས་དོན་སྙན་སྒྲོན་གྱི་མིང་ཚིག་འགྲེལ་པ།

    ཀྲུང་ཧྭ་མི་རིགས་གཅིག་མཐུན་ཚོགས་པ་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས།

    ཀྲུང་ཧྭ་མི་རིགས་གཅིག་མཐུན་ཚོགས་པ་དང་ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས། ཏང་གི་ཚོགས་ཆེན་བཅོ་བརྒྱད་པའི་ཚུན་དུ། བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་མི་རིགས་ལས་དོན་ལ་མཐོང་ཆེན་ཚད་མེད་གནང་བ་མ་ཟད། སྤྱི་ཁྱབ་ཧྲུའུ་ཅིས་གསལ་སྟོན་གནང་བར། མི་རིགས་ཁག་གི་མི་དམངས་རྣམས་ཡུན་རིང་བའི་ལོ་རྒྱུས་ཀྱི་འཕེལ་རིམ་ཁྲོད་དུ་ཆགས་པའི་ཆབ་སྲིད་ཐད་མཐུན་སྒྲིལ་གཅིག་གྱུར་དང་། རིག་གནས་ཐད་མཉམ་འདྲེས་མཉམ་གསོག དཔལ་འབྱོར་ཐད་ཕན་ཚུན་བརྟེན་རེས། བརྩེ་དུང་ཐད་ཕན་ཚུན་སྙིང་ཉེ་བ། དེ་བཞིན་གཅིག་ལ་གཅིག་འབྲེལ་དང་ཕན་ཚུན་མཉམ་འདྲེས། ཕན་ཚུན་བྲལ་ཐབས་མེད་པ་བཅས་ཀྱི་མི་རིགས་གཅིག་མཐུན་ཚོགས་པ་ཞིག་ཡིན་པ་དང་། དེ་ནི་ཐུན་མོང་གི་ལོ་རྒྱུས་ཆ་རྐྱེན་དང་། ཐུན་མོང་གི་རིན་ཐང་དོན་གཉེར། ཐུན་མོང་གི་དངོས་པོའི་རྨང་གཞི། ཐུན་མོང་གི་ཐོབ་ཐང་གི་མོས་སེམས། ཐུན་མོང་གི་བསམ་པའི་ཁྱིམ་གཞིས་བཅས་ཀྱི་ཐོག་ཆགས་པའི་ལས་དབང་གཅིག་མཐུན་ཚོགས་པ་ཞིག་ཡིན། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ནི་རྒྱལ་ཁབ་གཅིག་གྱུར་ཡོང་བའི་གཞི་མ་དང་། མི་རིགས་མཐུན་སྒྲིལ་གྱི་རྩ་བ། བསམ་པའི་སྟོབས་ཤུགས་ཀྱི་སྲོག་རྩ་བཅས་ཡིན། ཀྲུང་ཧྭ་མི་རིཌ་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་རྒྱུ་ནི་མི་རིགས་ལས་དོན་སྐོར་གྱི་བློ་མཐུན་ཞི་ཅིན་ཕིང་གི་གལ་ཆེའི་རྒྱས་བཤད་ཀྱི་ལྟ་བཞེད་གལ་ཆེན་ཞིག་ཡིན་ལ། དུས་རབས་གསར་པའི་མི་རིཌ་ལས་དོན་སྤེལ་རྒྱུའི་བརྩི་སྲུང་བྱ་ཡུལ་གལ་ཆེན་ཞིག་ཀྱང་ཡིན།

    “2019ལོའི་ཀྲུང་གོའི་བོད་ལྗོངས་གོང་འཕེལ་གླེང་སྟེགས”

    “2019ལོའི་ཀྲུང་གོའི་བོད་ལྗོངས་གོང་འཕེལ་གླེང་སྟེགས” དེ་ནི་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་དང་བོད་རང་སྐྱོང་ལྗོངས་མི་དམངས་སྲིད་གཞུང་གིས་གཙོ་གཉེར་བྱས་ནས་2019ལོའི་ཟླ་6ཚེས་14ནས་15ཉིན་བར་ལྷ་སར་འཚོགས་ཤིང་། དེའི་གཙོ་དོན་ནི“རྒྱུད་གཅིག་ལམ་གཅིག”དང་བོད་ལྗོངས་སྒོ་དབྱེ་གོང་འཕེལ་གཏོང་རྒྱུའི་སྐོར་ཡིན། གླེང་སྟེགས་འདིའི་ནང་རྒྱལ་ཁབ་དང་ས་ཁུལ་37ནས་ཕེབས་པའི་རྒྱལ་ཕྱི་རྒྱལ་ནང་གི་སྐུ་མགྲོན་160ལ་ཉེ་བ་ཞུགས་ཡོད།

    ཆུ་བོ་རྒྱུག་ཁུལ་གྱི་ཕྱོགས་བསྡུས་འཆར་འགོད།

    ཆུ་བོ་རྒྱུག་ཁུལ་གྱི་ཕྱོགས་བསྡུས་འཆར་འགོད། ཅེས་པ་ནི་དཔལ་འབྱོར་སྤྱི་ཚོགས་གོང་འཕེལ་གྱི་དགོས་མཁོ་དང་། ཆུའི་ཐོན་ཁུངས་གསར་སྤེལ་དང་བེད་སྤྱོད་བྱེད་པའི་ད་ལྟའི་གནས་ཚུལ་ལ་གཞིགས་ནས་བཟོས་པའི་ཆུའི་ཐོན་ཁུངས་གསར་སྤེལ་དང་། བེད་སྤྱོད། གྲོན་ཆུང་། སྲུང་སྐྱོབ་བཅས་དང་། ཆུ་སྐྱོན་འགོག་བཅོས་བྱེད་པའི་སྤྱི་ཡོངས་བཀོད་སྒྲིག་ལ་ཟེར་ཞིང་། ཆུ་བོ་རྒྱུག་ཁུལ་གྱི་ཆུའི་ཐོན་ཁུངས་གསར་སྤེལ་དང་། བེད་སྤྱོད། གྲོན་ཆུང་། སྲུང་སྐྱོབ་བཅས་དང་ཆུ་སྐྱོན་འགོག་བཅོས་སོགས་ཀྱི་ཆུ་དོན་བྱེད་སྒོར་མཛུབ་ཁྲིད་བྱེད་པའི་རྩ་འཛིན་རང་བཞིན་གྱི་ཡིག་ཆ་ཞིག་ཡིན་ལ། སྲིད་གཞུང་གིས་སྤྱི་ཚོགས་དོ་དམ་དང་སྤྱི་པའི་ཞབས་ཞུའི་འགན་འཁྲི་སྒྲུབ་པའི་གཞི་འཛིན་ས་གལ་ཆེན་ཞིག་ཀྱང་ཡིན།

    ས་མཐོའི་སྐྱེ་དངོས་ཐོན་ལས་ཀྱི་རྟེན་གཞི་བཅུ།

    ས་མཐོའི་སྐྱེ་དངོས་ཐོན་ལས་ཀྱི་རྟེན་གཞི་བཅུ། ས་མཐོའི་སྐྱེ་དངོས་ཐོན་ལས་གོང་འཕེལ་འགྲོ་མགྱོགས་སུ་གཏོང་ཆེད། རང་སྐྱོང་ལྗོངས་ཀྱིས་ཁྱད་ལྡན་ཞིང་ཕྱུགས་ཐོན་རྫས་ལ་རྩེ་གཅིག་ཏུ་དམིགས་ཏེ་ནས་དང་། འབྲི་གཡག བཞོན་མ། ཡུལ་ལུག སྔོ་ཚལ། བོད་ཕག བོད་བྱ། ཇའི་ཐོན་ལས། རྒུན་འབྲུམ། བོད་སྨན་སྨན་རྒྱུ་སོགས་གསོ་ཚགས་རྟེན་གཞི་བཅུ་བསྐྲུན་རྒྱུ་དེ་ཡིན།

    ཞིང་ཕྱུགས་ཐོན་རྫས་བཟོ་སྣོན་བྱས་ནས་ཕྱོགས་བསྡུས་དངོས་སྒྱུར་བྱེད་ཚད།

    ཞིང་ཕྱུགས་ཐོན་རྫས་བཟོ་སྣོན་བྱས་ནས་ཕྱོགས་བསྡུས་དངོས་སྒྱུར་བྱེད་ཚད། ཅེས་པ་ནི་ཞིང་ལས་ཐོན་རྫས་བཟོ་སྣོན་བྱེད་པའི་བརྒྱུད་རིམ་ནང་གི་རྒྱུ་ཆའི་འབོར་གྲངས་ཀྱིས་སྤྱིའི་ཐོན་འབོར་ནང་བཟུང་བའི་བསྡུར་ཚད་ལ་ཟེར་ཞིང་། གཙོ་བོ་ས་གནས་ག་གེ་མོའི་ཁྱབ་ཁོངས་ནང་གི་ཞིང་ལས་ཐོན་རྫས་ཆ་ཚང་ངམ་ཞིང་ལས་ཐོན་རྫས་གཙོ་བོ་བཟོ་སྣོན་དངོས་སྒྱུར་བྱེད་ཚུལ་མཚོན་པར་བྱེད་པ་ཞིག་ཡིན།

    གནས་ལྗོངས་ཁུལ་གྱི“ཤར་གཏོང་ལྔ་དང་ ཡོད་པ་བཞིའི”ལས་གྲྭ

    གནས་ལྗོངས་ཁུལ་གྱི“ཤར་གཏོང་ལྔ་དང་ཡོད་པ་བཞིའི”ལས་གྲྭ ཡུལ་སྐོར་ལས་རིགས་གོང་འཕེལ་གཏོང་ཆེད་རང་སྐྱོང་ལྗོངས་མི་དམངས་སྲིད་གཞུང་གིས་བཏོན་པའི་ལྗོངས་ཡོངས་ཀྱི་3Aརིམ་པ་ཡན་གྱི་ཡུལ་སྐོར་མཛེས་ལྗོངས་ཁུལ་ཚང་མར་སྣུམ་ལམ་དང་གློག ཆུ། དྲ་ཆེན། སྐུད་མེད་དྲ་རྒྱ་བཅས་ཤར་གཏོང་ཐུབ་པ་དང་། ཁོར་ཡུག་གཙང་སྦྲའི་སྒྲིག་ཆས་ཡོད་པ་དང་། བློ་འདྲིའི་ཞབས་ཞུ་ལྟེ་གནས་ཡོད་པ། འཕྲལ་རྐྱེན་མྱུར་སྐྱོབ་བྱེད་མཁན་ཡོད་པ། སྨན་བཅོས་སྲོག་སྐྱོབ་བྱེད་མཁན་ཡོད་པ་བཅས་ཡིན།

    རང་བྱུང་ཐོན་ཁུངས་རྒྱུ་ནོར་གྱི་བུན་ཟུག་རེའུ་མིག

    རང་བྱུང་ཐོན་ཁུངས་རྒྱུ་ནོར་གྱི་བུན་ཟུག་རེའུ་མིག ཅེས་པ་ནི་རྒྱལ་ཁབ་ཀྱི་རྒྱུ་ནོར་བུན་ཟུག་རེའུ་མིག་བཟོ་ཐབས་བེད་སྤྱད་ནས་རྒྱལ་ཡོངས་སམ་ས་གནས་ཤིག་གི་རང་བྱུང་ཐོན་ཁུངས་ཀྱི་རྒྱུ་ནོར་ཡོངས་ལ་རིགས་དབྱེ་སྤྱི་བསྡོམས་བྱས་ནས་བཟོས་པའི་སྙན་ཞུའི་རེའུ་མིག་ལ་ཟེར་ཞིང་། དུས་ཚོད་སྐབས་མཚམས་ཤིག་གི་རང་བྱུང་ཐོན་ཁུངས་རྒྱུ་ནོར་གྱི་གནས་ཚུལ་ཚང་མ་གསལ་བ་དང་། དུས་ཚོད་ངེས་ཅན་ཞིག་ནང་གི་རང་བྱུང་ཐོན་ཁུངས་ཀྱི་རྒྱུ་ནོར་གསོག་འབོར་གྱི་འགྱུར་ལྡོག་འགྲོ་བ་མཚོན་གྱི་ཡོད། རང་བྱུང་ཐོན་ཁུངས་ཀྱི་རྒྱུ་ནོར་བུན་ཟུག་རེའུ་མིག་བཟོ་བ་དེ་ནི་འགོ་ཁྲིད་ལས་བྱེད་པར་ལས་གནས་ནས་བྲལ་སྐབས་རང་བྱུང་ཐོན་ཁུངས་ཀྱི་རྒྱུ་ནོར་ཐད་རྩིས་བཤེར་བྱེད་རྒྱུ་དང་། སྐྱེ་ཁམས་ཁོར་ཡུག་ལ་གནོད་སྐྱོན་བཟོས་རིགས་ཀྱི་འགན་འཁྲི་ཚེ་གང་བདའ་འདེད་གཏོང་རྒྱུའི་ལམ་ལུགས་བཟོ་བའི་རྨང་གཞི་ཡིན།

    བདེ་འཕྲོད་ཇ།

    བདེ་འཕྲོད་ཇ། དུས་ཡུན་རིང་པོའི་ནང་རྒྱལ་ཁབ་གྱིས་མཐའ་མཚམས་གྲངས་ཉུང་མི་རིགས་ས་ཁུལ་གྱི་མང་ཚོགས་ཚོར་ཇ་ཆེད་འཚོང་དང་དམིགས་བསལ་མཁོ་སྤྲོད་བྱེད་ཀྱི་ཡོད། ཇ་འདི་ཚོ་ཇ་ནག་དང། ཇ་སྔོན། ཇ་དམར་ཕྱེ་མ། ཇ་ལྗང་བཅས་རྒྱུ་ཆ་གཙོ་བོར་བྱས་ཐོག ཕབ་བསྙལ་དང་། རླངས་བཙོས། གནོན་བཙིར་བཅས་བྱས་ཏེ་བཟོས་ཤིང་། འདིར་ཧྥུལ་ངེས་ཅན་ཞིག་འདུས་ཡོད། བདེ་ཐང་གི་ཚད་གཞི་ལྟར་ན་རྒྱུན་ལྡན་མིའི་གཟུགས་པོར་ཉིན་རེར་ཧྥུལ་མཁོ་ཚད་ཧའོ་ཁེ་1ནས་1.5བར་ཚོད་འཛིན་བྱས་ན་འཚམ་ཤོས་ཡིན་པས། མང་ཚོགས་ཀྱི་བདེ་ཐང་འགན་སྲུང་བྱེད་ཆེད་རང་ལྗོངས་ཀྱིས་2020ལོ་ནས་བཟུང་ཧྥུལ་འདུས་ཚད་སྟོང་ཁེ་རེའི་ཆ་ནས་ཧའོ་ཁེ་300ལས་ཉུང་བའམ་མཚུངས་པའི་ནང་ཚོད་འཛིན་བྱེད་པའི་རྒྱལ་ཁབ་ཀྱི་ཚད་གཞི་ལྟར་མང་ཚོགས་ཀྱི་དམིགས་བསལ་ཉེར་མཁོའི་ཇ་ཆེད་འཚོང་དང་མཁོ་འདོན་བྱ་རྒྱུ་ཡིན།

    མཐའ་མཚམས་མུ་ཏིག་གྲོང་རྡལ་ཆུང་གྲས་འཛུགས་སྐྲུན།

    མཐའ་མཚམས་མུ་ཏིག་གྲོང་རྡལ་ཆུང་གྲས་འཛུཌ་སྐྲུན། ཞེས་པ་ནི་མཐའ་སྐྱོང་བོད་བརྟན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གལ་ཆེའི་རྒྱས་བཤད་ལག་བསྟར་དོན་འཁྱོལ་གཏིང་ཟབ་བྱེད་ཆེད། རང་སྐྱོང་ལྗོངས་ཀྱིས་ཐོན་ཁུངས་ཀྱི་ཁྱད་འཕཌ་དང་། འགྲིམ་འགྲུལ་ནུས་ཁུངས། ས་ཁོངས་གནས་སྟངས་སོགས་ཀྱི་ཆ་རྐྱེན་ལ་གཞི་ཚུཌ་ཏེ་སྟོབས་ཤུཌ་གཅིག་སྡུད་དང་ཐོན་ཁུངས་སྒྲིལ་བཅོས་ཀྱིས་རྨང་གཞིའི་སྒྲིག་བཀོད་འཐུས་ཚང་བཟོ་བ་དང་སྤྱི་པའི་ཞབས་ཞུའི་ནུས་པ་མཐོར་འདེཌ་བྱས་ནས་ཚོང་དོན་ཟོག་འགྲུལ་དང་། རིག་གནས་ཡུལ་སྐོར། དམག་དམངས་མཉམ་འདྲེས་བཅས་གཙོ་བོའི་བྱེད་ནུས་ལྡན་པའི་མཐའ་རྒྱུད་ཤང་དང་གྲོང་རྡལ་དང་གྲོང་ཚོ་འཛུཌ་སྐྲུན་བྱེད་རྒྱུའི་འཆར་འགོད་བྱས་ཏེ་མཐའ་མཚམས་མུ་ཏིག་ཁྱད་ལྡན་གྲོང་རྡལ་ཆུང་གྲས་རྒྱུད་གཏོད་རྒྱུ་དེ་ཡིན།

    “ས་གྲོལ་དཔལ་འབྱོར”གྱི་རྣམ་པ།

    “ས་གྲོལ་དཔལ་འབྱོར”གྱི་རྣམ་པ། ཞེས་པ་ནི་ཉེ་བའི་ལོའི་ནང་རྒྱལ་ཁབ་ཀྱི་ཁུལ་ཁོངས་དཔལ་འབྱོར་གོང་འཕེལ་གཏོང་བའི་བརྒྱུད་རིམ་ཁྲོད་ཐོན་པའི་“བསྒར་རྒྱན་ལྟ་བུའི”གོང་འཕེལ་གཏོང་སྟངས་ཤིག་ཡིན་ཞིང་། ཕན་ཚུན་རང་ཚུགས་ཡིན་པ་དང་། དཔལ་འབྱོར་གོང་འཕེལ་ཐད་བར་ཁྱད་ཡོད་པའི་སྲིད་འཛིན་ཁུལ་གཉིས་ཀྱི་སྔར་ཡོད་སྲིད་འཛིན་ས་ཁོངས་ཀྱི་དབྱེ་མཚམས་ཚད་བཀག་ལས་སྒྲོལ་ཏེ་བར་མཐོངས་བརྒལ་བའི་སྲིད་འཛིན་དོ་དམ་བྱེད་པ་བརྒྱུད་ནས་ས་ཁོངས་བརྒལ་བའི་དཔལ་འབྱོར་གསར་སྤེལ་བྱེད་པ་དང་། ཐོན་ཁུངས་བགོ་སྒྲིག་ནུས་ལྡན་བྱེད་པའི་ཁུལ་ཁོངས་དཔལ་འབྱོར་གྱི་མཉམ་ལས་བྱེད་པའི་རྣམ་པ་ཞིག་ཡིན། 2017ལོའི་ཟླ་6པར། རྒྱལ་ཁབ་འཕེལ་བསྒྱུར་ཨུ་ལྷན་སོགས་སྡེ་ཚན་8མཉམ་འབྲེལ་ཐོག《“ས་གྲོལ་དཔལ་འབྱོར”གོང་འཕེལ་གཏོང་རྒྱུར་རྒྱབ་སྐྱོར་བྱེད་རྒྱུའི་སྐོར་གྱི་མཛུབ་སྟོན་བསམ་འཆར》(འཕེལ་བསྒྱུར་ས་གནས【2017】ཡིག་ཨང་922པ)པར་འགྲེམས་བྱས་ཡོད།

    ས་གོ་ལའི་གླིང་སྣེ་གསུམ་པའི་རྒྱལ་ཁབ་སྤྱི་གླིང་འདུས་ཚོགས།

    རང་ལྗོངས་ཀྱིས་མཚོ་བོད་ས་མཐོ་གཙོ་རྐང་དུ་བྱས་པའི་ས་གོ་ལའི་གླིང་སྣེ་གསུམ་པའི་ཐོག་བཙུགས་པའི་ཇོ་མོ་གླང་མ་རྒྱལ་ཁབ་སྤྱི་གླིང་དང་། བྱང་ཐང་རྒྱལ་ཁབ་སྤྱི་གླིང་། གཙང་གསུམ་ཆུ་འགོའི་རྒྱལ་ཁབ་སྤྱི་གླིང་སོགས་ཚབ་མཚོན་དུ་བྱས་པའི་རྒྱལ་ཁབ་སྤྱི་གླིང་མང་པོ་འདུས་པ་ཞིག་ཡིན།

    ནགས་དཔོན་ལམ་ལུགས།

    ནགས་དཔོན་ལམ་ལུགས། 2016ལོར་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཨན་ཧུའེ་ལ་གཟིགས་ཞིབ་གནང་སྐབས་ཆུ་དཔོན་ལམ་ལུགས་ཀྱི་བྱེད་སྟངས་དཔྱད་གཞིར་བཟུང་ནས“ནགས་དཔོན་ལམ་ལུགས”འཛུགས་རྒྱུར་འཚོལ་ཞིབ་ཧུར་ཐག་བྱེད་དགོས་ཞེས་བཏོན་གནང་ཡོད། སྤུན་ཟླའི་ཞིང་ལྗོངས་ཀྱིས“རིམ་དབྱེ་འགན་འཁུར”གྱི་རྩ་དོན་ལྟར་ཁུལ་ཁོངས་ཀྱི་ཏང་སྲིད་འགོ་ཁྲིད་གཙོ་བོས་འགན་འཁུར་བ་དང་འབྲེལ་ཡོད་སྡེ་ཚན་གྱིས་མཉམ་སྤེལ་བྱེད་པའི་ཞིང་ཆེན་དང་། གྲོང་ཁྱེར། རྫོང་། ཤང་། གྲོང་ཚོ་བཅས་རིམ་པ་ལྔའི་ནགས(རྩྭ)དཔོན་ལམ་ལུགས་ཀྱི་མ་ལག་འཛུགས་སྐྱོང་བྱས་ནས། ཐོན་ཁུངས་བདག་སྐྱོང་དང་ལྟ་སྐུལ་དོ་དམ་བྱེད་པར་ཤུགས་སྣོན་བརྒྱབ་སྟེ་སྐྱེ་ཁམས་སྲུང་སྐྱོབ་དང་སླར་གསོ་ནུས་ལྡན་བྱེད་པ་དང་། རྒྱལ་ཁབ་ས་ཆ་སྔོ་ལྗང་མཛེས་སྡུག་ལྡན་པ་བཟོ་བ་དེ་ཡིན།

    (ཚོགས་འདུ་གཉིས་ཀྱི་དྲུང་ཡིག་ཁྲུའུ་ནས་མཁོ་འདོན་བྱས་པ་གཞིར་བཟུང)

འགན་འཁུར་རྩོམ་སྒྲིག་པ། བསྟན་ནོར།
010020070840000000000000011100001386905451