བོད་ལྗོངས།
གཏམ་དཔེ་རྣ་བའི་བུ་རམ།

    སྐྱིད་པོ་ལ་སྒུག་ལོང་དང་། སྡུག་པོ་ལ་སངས་དུས་ཡོད།

    སྐྱིད་པོ་ཤྭ་ཕོའི་རྭ་ལས་རིང་། སྡུག་པོ་དགོ་ཕོའི་བྲུན་ལས་མང་།

    སྐྱིད་པོའི་ཁ་བཤད་དེ། སྡུག་པོའི་སྐྱོ་རོགས་མི་ཡོང་།

    སྐྱིད་པོར་གཉིས་བརྩེགས་མེད་པའི། སྡུག་པོར་གསུམ་བརྩེཌ།

    སྐྱུར་ཆུས་མྱོས་ནས། སྐྱུར་འགོང་ཤོད།

    ཀོ་བ་གཅིག་ནས་དྲས་པའི་རྒྱུན་བུ་དང་། ཤ་ཁོག་གཅིག་ནས་གཏུབས་པའི་ཏིག་ག

    དཀའ་བའི་དུས་སུ་གྲོགས་པོའི་བཟང་ངན་རྟོགས། འདམ་ནང་རྟ་ཕོའི་ཤེད་ཤུགས་ཤེས།

    དཀར་མོ་ནས་ཀྱི་གོང་ཐང་ཆོད་ཚར་ན། གྲོ་དང་སྲན་མའི་གོང་ཐང་ཤོད་མི་དགོས།

    བཀའ་མདོ་རྒྱུད་སེམས་དང་མ་འདྲེས་ན། ཆོས་དཔེ་ཀློག་ནེ་ཙོའི་མ་ཎི་འདྲ།

    བསྐོས་པའི་ལས་ལ་ཟློག་ཐབས་མེད། དཔྲལ་བའི་གཉེར་མ་འཕྱིད་ཐབས་མེད།

    དཀོན་གཉེར་ཕྱི་བདར་མཁས་དྲགས་ན། གསེར་སྐུ་རག་ལ་བཏང་ཡོང་ངོ་།

འགན་འཁུར་རྩོམ་སྒྲིག་པ། བསྟན་ནོར།
010020070840000000000000011100001388324281