བོད་ལྗོངས།
གཟའ་འཁོར་འདིའི་གནམ་གཤིས།

    གཅིག གཟའ་འཁོར་འདིའི་གནམ་གཤིས་སྔོན་བརྡ(2021ལོའི་ཟླ་2ཚེས་8ཉིན་ནས་ཟླ་2ཚེས་14ཉིན་བར)

    རེས་གཟའ་ཟླ་བ་ནས་མིག་དམར་བར། ནག་ཆུའི་ཤར་རྒྱུད་དང་དང་ཆབ་མདོའི་བྱང་རྒྱུད་དུ་སྤྲིན་པ་མང་པོ་འཁོར་རྒྱུ་དང་དེ་མིན་ས་ཁུལ་དུ་སྤྲིན་པ་ཉུང་ཉུང་འཁོར་རྒྱུ།

    རེས་གཟའ་ལྷག་པ་ནས་ཕུར་བུ་བར། ཉིང་ཁྲིའི་ཤར་རྒྱུད་དང་ཆབ་མདོའི་བྱང་རྒྱུད་དུ་སྤྲིན་པ་མང་པོ་འཁོར་ཏེ་གངས(ཆར་པ)ཆུང་བ་ནས་འབྲིང་བའི་བར་འབབ་རྒྱུ་དང་། མངའ་རིས་ཀྱི་ལྷོ་རྒྱུད་དང་། ལྷོ་ཁའི་ལྷོ་རྒྱུད། གཞིས་རྩེའི་ལྷོ་རྒྱུད་བཅས་སུ་སྤྲིན་པ་མང་པོ་འཁོར་ནས་གངས་སིམ་སིམ་འབབ་རྒྱུ། དེ་མིན་ས་ཁུལ་དུ་སྤྲིན་པ་ཉུང་ཉུང་འཁོར་ནས་རིམ་བཞིན་སྤྲིན་པ་མང་པོ་འཁོར་རྒྱུ།

    རེས་གཟའ་པ་སངས་ནས་ཉི་མ་བར། ཉིང་ཁྲིའི་ཤར་ལྷོའི་རྒྱུད་དང་ཆབ་མདོའི་བྱང་རྒྱུད་དུ་གངས(ཆར་པ)སིམ་སིམ་འབབ་རྒྱུ་དང་། དེ་མིན་ས་ཁུལ་དུ་སྤྲིན་པ་ཉུང་ཉུང་འཁོར་རྒྱུ།

    གཟའ་འཁོར་འདིའི་ནང་ནག་ཆུ་དང་། མངའ་རིས། གཞིས་རྩེ་བཅས་ཀྱི་ལྷོ་རྒྱུད་ཀྱི་ས་བབ་མཐོ་སར་ལྷགས་པ་རིམ་པ་7ནས་8བར་རྒྱག་རྒྱུ་དང་གཞིས་རྩེ་དང་། ལྷོ་ཁ། ལྷ་ས་བཅས་ཀྱི་ལུང་ཤུར་རྒྱུད་དུ་ལྷགས་པ་རིམ་པ་4ནས་5བར་རྒྱག་རྒྱུ། ཉིན་དགུང་ཡོལ་རྗེས་བྱེ་རླུང་འཚུབ་པའི་གནམ་གཤིས་བསྟན་རྒྱུ།

    གཉིས། གྲོས་འགོ

    1.རེས་གཟའ་ཕུར་བུའི་རྗེས་སུ་གངས(ཆར་པ)བབས་པའི་གནམ་གཤིས་བསྟན་རྒྱུ་དང་། ས་བབ་མཐོ་བའི་ལམ་དུམ་དུ་གངས་གསོག་དང་འཁྱཌ་པ་ཐེབས་སླ་བས་ཚང་མས་འགྲིམ་འགྲུལ་གྱི་བདེ་འཇགས་ལ་ཡིད་གཟབ་གནང་དགོས།

    2. རེས་གཟའ་ཕུར་བུའི་གོང་དུ་ལྷགས་པ་ཆེ་བའི་གནམ་གཤིས་བསྟན་རྒྱུ་དང་གནམ་གཤིས་སྐམ་ཤས་ཆེ་བས་ཚང་མས་རྩྭ་ཐང་དང་། ནགས་ཚལ། གྲོང་ཁྱེར་བཅས་ཀྱི་མེ་ཟོན་ལས་དོན་ལ་མུ་མཐུད་ཤུགས་སྣོན་རྒྱག་དགོས།

    3.གཟའ་འཁོར་འདིར་གནམ་གཤིས་གྲང་དུ་འགྲོ་རྒྱུ་ཡིན་པས་ཚང་མས་དྲོ་ཇུས་ཡག་པོ་གནང་དགོས།

(འགན་འཁུར་རྩོམ་སྒྲིག་པ། བསྟན་ནོར།)

ཤིན་ཧྭ་དྲ་བ་མ་རྐང་ཚད་ཡོད་ཀུང་སིའི་བོད་ལྗོངས་ཡན་ལག་ཀུང་སི། ཤིན་ཧྭ་དྲ་བའི་བོད་ལྗོངས་འཕྲིན་ལམ། ཞལ་པར་ཨང་གྲངས། ༠༨༩༡--༦༢༨༢༥༢༡

Copyright @ 2000-2020 XINHUANET.com All Rights Reserved.

འདི་ག་དྲ་ཚུགས་ཐོག་བཀོད་པའི་ཤིན་ཧྭ་གསར་འགྱུར་ཁང་དང་ཤིན་ཧྭ་དྲ་བའི་གསར་འགྱུར། ཆ་འཕྲིན། དེ་བཞིན་ཆེད་སྒྲིག་སོགས་ཀྱི་ཡིག་ཆ་ཚང་མའི་བདག་དབང་ཤིན་ཧྭ་གསར་འགྱུར་ཁང་ལ་བདག་པས་གན་རྒྱ་དང་དབང་ཆ་སྤྲད་མེད་ཚེ་རང་དགར་ཕབ་སྤྱོད་བྱེད་མི་ཆོག

010020070840000000000000011100001397322071