བོད་ལྗོངས།
ན་ནིང་བོད་ཀྱིས་སློབ་རོགས་མ་དངུལ་དོན་འཁྱོལ་བྱེད་ཚད་སྒོར་དུང་ཕྱུར་37ལྷག་ཙམ་ཟིན་པ།

    ཉིན་ཤས་གོང་གསར་འགོད་པས་རང་སྐྱོང་ལྗོངས་སློབ་གསོ་ཐིང་ནས་ཤེས་རྟོགས་བྱས་པར། 2019ལོར་རང་ལྗོངས་ཀྱིས་སློབ་རོགས་མ་དངུལ་སྒོར་དུང་ཕྱུར་37.78དོན་འཁྱོལ་བྱས་པས་དགེ་སློབ་མི་ཐེངས་ཁྲི་198.69ལ་ཕན་པ་ཐོབ་ཡོད་པ་རེད།

    སློབ་རོགས་མ་དངུལ་ནི་དམངས་འཚོ་འགན་ལེན་དང་དམངས་སེམས་ལ་དྲོ་སྐྱིད་སྦྱིན་པའི་འདུ་འགོད་གལ་ཆེན་ཞིག་ཡིན་ཞིང་། དེ་དབུལ་སྒྲོལ་འགག་སྒྲོལ་དང་སྤྱི་ཚོགས་ཀྱི་དྲང་གཞག་དང་འབྲེལ་བ་ཡོད། ཉེ་བའི་ལོ་ཤས་རིང་རང་སྐྱོང་ལྗོངས་ཀྱི་རིམ་ཁག་སློབ་རོགས་མ་དངུལ་དོ་དམ་སྡེ་ཚན་གྱི་ཐུན་མོང་འབད་བརྩོན་འོག་རང་ལྗོངས་ཀྱི་སློབ་རོགས་མ་དངུལ་མ་ལག་དེ་བས་འཐུས་སྒོ་ཚང་དུ་ཕྱིན་པ་དང་མ་དངུལ་གཏོང་ཤུགས་དེ་བས་མང་དུ་ཕྱིན་པར་བརྟེན་སློབ་རོགས་མ་དངུལ་གྱི་དོ་དམ་ཆུ་ཚད་དེ་བས་མཐོ་རུ་ཕྱིན་ཡོད།

    ངོ་སྤྲོད་བྱས་པར་གཞིགས་ན། སློབ་ཞུགས་གོང་གི་སློབ་གསོའི་སློབ་མ་དང་། འོས་འགན་སློབ་གསོའི་སློབ་མ། མཐོ་འབྲིང་དཀྱུས་མའི་སློབ་མ། མཐོ་རིམ་སློབ་གསོའི་སློབ་མ་བཅས་ནི་སློབ་སྐྱོར་བྱ་ཡུལ་གཙོ་བོ་ཡིན་པ་དང་། སློབ་རོགས་མ་དངུལ་དེ་སྒོར་དུང་ཕྱུར་6.12དང་། སྒོར་དུང་ཕྱུར་21.04 སྒོར་དུང་ཕྱུར་3.29 སྒོར་དུང་ཕྱུར་3.53བཅས་སོ་སོར་ཟིན་པ་དང་། སློབ་རོགས་མ་དངུལ་ལེན་མཁན་སློབ་མ་མི་ཐེངས་ཁྲི་25.63དང་། མི་ཐེངས་ཁྲི་136.24 མི་ཐེངས་ཁྲི་12.44 མི་ཐེངས་ཁྲི་6.42བཅས་ཁག་སོ་སོར་ཟིན་ཡོད། གཞན་ཡང་འབྲིང་རིམ་ལས་རིགས་སློབ་གསོའི་སློབ་མའི་སློབ་རོགས་མ་དངུལ་སྒོར་དུང་ཕྱུར་1.71ཟིན་པ་དང་སློབ་མ་མི་ཐེངས་ཁྲི་4.66ལ་ཕན་པ་ཐོབ་ཡོད་པ་དང་། ཕྱོགས་བསྡུས་རིགས་ཀྱི་སློབ་མའི་སློབ་རོགས་མ་དངུལ་སྒོར་དུང་ཕྱུར་2.09ཟིན་པས་སློབ་མ་མི་ཐེངས་ཁྲི་13.30ལ་ཕན་པ་ཐོབ་ཡོད་པ་རེད།

    མིག་སྔར། བོད་དུ་ཕྱོགས་ཡོངས་ནས་སློབ་ཞུགས་གོང་གི་སློབ་གསོ་ནས་མཐོ་རིམ་སློབ་གསོའི་དུས་མཚམས་བར་གྱི་སློབ་མའི་སློབ་རོགས་མ་དངུལ་གྱི་མ་ལག་ཕྱོགས་ཡོངས་ནས་བཙུགས་པ་དང་སློབ་རོགས་མ་དངུལ་དེ་སློབ་སྦྱོང་གི་དུས་མཚམས་ཁག་དང་། གཞུང་བཙུགས། དམངས་བཙུགས། ཁྱིམ་ཚང་གི་དཔལ་འབྱོར་ལ་དཀའ་ངལ་ཡོད་པའི་སློབ་མ་བཅས་ལ་ཁྱབ་ཡོད་པ་རེད།

འགན་འཁུར་རྩོམ་སྒྲིག་པ། ཟླ་བ་ཚེ་རིང་།
010020070840000000000000011100001390429361