བོད་ལྗོངས།
བོད་དུ་རྩྭ་ཐང་གི་སྔོ་ཁེབས་ཁྱབ་ཚད་45%ལས་བརྒལ་ནས་རྩྭ་ཐང་གི་སྣོད་བཅུད་སླར་གསོ་ལེགས་སུ་འགྲོ་བཞིན་པ།

    ལྟ་སྐུལ་ཚད་ལེན་གྱི་གྲངས་གཞི་ལས་མངོན་པ་ལྟར་ན། 2010ལོ་ནས་2017ལོའི་བར་བོད་རང་སྐྱོང་ལྗོངས་ཀྱི་རང་བྱུང་རྩྭ་སའི་སྔོ་ཁེབས་ཕྱོགས་བསྡུས་ཁྱབ་ཚད་བརྒྱ་ཆའི་གྲངས་2.5མང་དུ་ཕྱིན་ནས་45.2%ཟིན་ཡོད། རྩྭ་ཐང་གི་སྣོད་བཅུད་སྲུང་སྐྱོང་གི་གཙོ་གནད་འདུ་འགོད་མང་པོ་ཞིག་ལག་བསྟར་ཤུགས་ཆེན་བྱས་པ་དང་བསྟུན་ནས་ཡུལ་དེ་གའི་རྩྭ་ཐང་སྣོད་བཅུད་རྒྱུན་མཐུད་ངང་སླར་གསོ་ལེགས་པོ་བྱུང་ཁར་ཞིང་འབྲོག་ཁུལ་གྱི་སྣོད་བཅུད་དང་དཔལ་འབྱོར་གཉིས་ཀར་ཕན་འབྲས་ཐོན་ཡོད་པ་རེད།

    རྩྭ་ཐང་གི་སྔོ་ཁེབས་ཁྱབ་ཚད་ཆེ་རུ་སོང་བ་ནི་ཕྱུགས་བཀག་འདུ་འགོད་དང་རྩྭ་ཐང་གི་སྣོད་བཅུད་སྲུང་སྐྱོང་ཁ་གསབ་བྱ་དགའི་སྲིད་ཇུས་སོགས་རྩྭ་ཐང་སྣོད་བཅུད་ཀྱི་འདུ་འགོད་མང་པོ་ལག་ལེན་བསྟར་བ་ལས་བྱུང་བ་ཞིག་རེད། ཤེས་རྟོགས་བྱུང་བ་ལྟར་ན། བོད་ཀྱིས་2009ལོ་དང་2010ལོར་རྩྭ་ཐང་སྣོད་བཅུད་སྲུང་སྐྱོང་གི་ཁ་གསབ་བྱ་དགའི་ལམ་སྲོལ་ཚོད་ལྟ་བྱས་པས་རང་འགུལ་ངང་སྲུང་སྐྱོང་བྱེད་པའི་ཞིང་འབྲོག་པའི་འདུ་ཤེས་ཟབ་ཏུ་ཕྱིན་ཡོད། ན་ནིང་བོད་ཀྱིས་རྩྭ་ཐང་གི་ཁ་གསབ་བྱ་དགའ་དང་ལས་རྗེས་དཔྱད་ཞིབ་ལ་དངུལ་སྒོར་དུང་ཕྱུར་32ལྷག་ཙམ་བཏང་བ་དང་། 2017ལོར་ཀྲུང་དབྱང་གིས་བོད་ཀྱི་རེས་སྐོར་གསར་པའི་རྩྭ་ཐང་ཁ་གསབ་བྱ་དགའི་མ་དངུལ་སྒོར་དུང་ཕྱུར་28.8དང་ལས་རྗེས་དཔྱད་ཞིབ་ལ་དངུལ་སྒོར་དུང་ཕྱུར་3.8ཙམ་གཤམ་སྤྲོད་བྱས་ཡོད་པ་རེད།

 

འགན་འཁུར་རྩོམ་སྒྲིག་པ། ཟླ་བཚེ་རིང་།
010020070840000000000000011100001368800421