བོད་ལྗོངས།
ལྷ་ས་གྲོང་ཁྱེར་གྱིས་ལྗང་མདོག་བཟོ་སྐྲུན་ཆུ་ཚད་རྒྱུན་ཆད་མེད་པར་མཐོ་རུ་བཏང་བ།

    ཉིན་ཤས་གོང་། ལྷ་ས་གྲོང་ཁྱེར་གྱི་ལྗང་མདོག་བཟོ་ལས་འཕེལ་རྒྱས་གནས་ཚུལ་སྐོར་གྱི་གསར་འགྱུར་ཡོངས་བསྒྲགས་ཚོགས་འདུ་ཐོག་ནས་གསར་འགོད་པར་ཤེས་རྟོགས་བྱུང་བར། 2019ལོར། ལྷ་ས་གྲོང་ཁྱེར་གྱིས་ལྗང་མདོག་འཕེལ་རྒྱས་ཀྱི་དམིགས་ཚད་མཐའ་འཁྱོངས་བྱས་ཐོག་ལམ་སྲོལ་གསར་གཏོད་སྒུལ་ཤུགས་སུ་བྱེད་པ་དང་། ཐོན་ལས་རྣམ་གྲངས་གཞི་རྟེན་དུ་བྱེད་པ། ཚོད་ལྟའི་ཁེ་ལས་སྣེ་ཁྲིད་དུ་བྱེད་པ་བཅས་བྱས་ནས། ལྗང་མདོག་བཟོ་སྐྲུན་བྱེད་སྟངས་རྒྱུན་འཁྱོངས་ལྷོད་མེད་ཁྱབ་གདལ་བཏང་བས། གྲོང་ཁྱེར་ཡོངས་སུ་གཞི་ཁྱོན་ཡན་གྱི་བཟོ་ལས་ཁེ་ལས་83ཟིན་པ་དེས་ལྗོངས་ཡོངས་ཀྱི་བསྡོམས་འབོར་གྱི་57.6%བཟུང་བ་དང་། ལྗང་མདོག་གཙོ་ཁྲིད་ཐོན་ལས་ཀྱི་གཞི་ཁྱོན་ཡན་གྱི་ཁེ་ལས་34ཟིན་པ་དེས་གྲོང་ཁྱེར་ཡོངས་ཀྱི་གཞི་ཁྱོན་ཡན་གྱི་ཁེ་ལས་བསྡོམས་འབོར་གྱི་41%བཟུང་ནས། ལྗང་མདོག་བཟོ་ལས་འཕེལ་རྒྱས་བརྟན་ལ་ཅུང་མགྱོགས་པོ་ཡོད་པ་རེད།

    ཤེས་རྟོགས་བྱུང་བར་གཞིགས་ན། ཉེ་བའི་ལོ་ཤས་རིང་། ལྷ་ས་གྲོང་ཁྱེར་གྱིས་ཐོན་ལས་སྤོ་སྒྱུར་དང་ལེན་ཧུར་ཐག་ཞུས་ནས་ཞབས་ཞུའི་མ་ལག་སྐྲུན་མགྱོགས་སུ་བཏང་བས་གྲོང་ཁྱེར་ཡོངས་ཀྱི་བཟོ་ལས་དཔལ་འབྱོར་ཡར་ངོའི་ཟླ་ལྟར་འཕེལ་རྒྱས་འགྲོ་བཞིན་ཡོད་པ་རེད། 2019ལོར། ལྷ་ས་གྲོང་ཁྱེར་དུ་གཞི་ཁྱོན་ཡན་གྱི་བཟོ་ལས་ཁེ་ལས་9འཕར་ནས་བསྡོམས་འབོར་83ཟིན་པ་དེས་ལྗོངས་ཡོངས་ཀྱི་བསྡོམས་འབོར་གྱི་57.6%བཟུང་བ་དང་། ལྷ་ས་གྲོང་ཁྱེར་གྱིས་ཐོན་ཁུངས་ཀྱི་ལེགས་ཆ་འདོན་སྤེལ་གང་ལེགས་དང་། ཐོན་ལས་གྲུབ་ཆ་ལེགས་སྒྲིག ཐོན་ལས་འཁོར་འབྲེལ་རིང་དུ་གཏོང་བ་བཅས་བྱས་ནས་ས་གཙང་བདེ་ཐང་སོགས་ལྗང་མདོག་གཙོ་ཁྲིད་ཐོན་ལས་འཕེལ་རྒྱས་ལ་སྐུལ་འདེད་བཏང་བ་དང་སྦྲགས། ཐོན་ལས་ཁག་ཆུ་ཚད་མཐོ་བ་དང་། སྤུས་ཚད་ལེགས་པ། ཁྱད་ཆོས་ལྡན་པ། གསར་གཏོད་ལྡན་པ་བཅས་ཡོང་བའི་ཐད་ཤུགས་སྣོན་བརྒྱབ་ནས། ཁྲོམ་རའི་འགྲན་རྩོད་ནུས་པ་དང་ཐོན་རྫས་ཀྱི་སྙན་གྲགས་ཆེ་རུ་བཏང་བ་རེད། མིག་སྔའི་བར། གྲོང་ཁྱེར་ཡོངས་ཀྱི་ལྗང་མདོག་གཙོ་ཁྲིད་ཐོན་ལས་ཀྱི་གཞི་ཁྱོན་ཡན་གྱི་ཁེ་ལས་34ཟིན་པ་དེས་གྲོང་ཁྱེར་ཡོངས་ཀྱི་གཞི་ཁྱོན་ཡན་གྱི་ཁེ་ལས་བསྡོམས་འབོར་གྱི་41%བཟུང་ཡོད་པ་རེད།

འགན་འཁུར་རྩོམ་སྒྲིག་པ། བསྟན་ནོར།

ཤིན་ཧྭ་དྲ་བ་མ་རྐང་ཚད་ཡོད་ཀུང་སིའི་བོད་ལྗོངས་ཡན་ལག་ཀུང་སི། ཤིན་ཧྭ་དྲ་བའི་བོད་ལྗོངས་འཕྲིན་ལམ། ཞལ་པར་ཨང་གྲངས། ༠༨༩༡--༦༢༨༢༥༢༡

Copyright @ 2000-2020 XINHUANET.com All Rights Reserved.

འདི་ག་དྲ་ཚུགས་ཐོག་བཀོད་པའི་ཤིན་ཧྭ་གསར་འགྱུར་ཁང་དང་ཤིན་ཧྭ་དྲ་བའི་གསར་འགྱུར། ཆ་འཕྲིན། དེ་བཞིན་ཆེད་སྒྲིག་སོགས་ཀྱི་ཡིག་ཆ་ཚང་མའི་བདག་དབང་ཤིན་ཧྭ་གསར་འགྱུར་ཁང་ལ་བདག་པས་གན་རྒྱ་དང་དབང་ཆ་སྤྲད་མེད་ཚེ་རང་དགར་ཕབ་སྤྱོད་བྱེད་མི་ཆོག

010020070840000000000000011100001391452831