བོད་ལྗོངས།
བོད་ཀྱིས་ཉེ་བའི་ལོ་ཤས་རིང་བྱེ་འགྱུར་ས་ཆ་སྤྱི་ཆིང་ཁྲི་12.4བཅོས་སྐྱོང་བྱས་པ།

    ཉེ་ཆར་གསར་འགོད་པར་བོད་རང་སྐྱོང་ལྗོངས་ནགས་ལས་དང་རྩྭ་ཐང་ཅུས་ནས་ཤེས་རྟོགས་བྱུང་བར་གཞིགས་ན། མིག་སྔའི་བར་བྱེ་འགོག་ནགས་གསོ་སོགས་ཀྱི་ཐབས་ལ་བརྟེན་ནས་བོད་ཀྱིས་2016ལོ་ནས་བཟུང་བྱེ་འགྱུར་ས་ཆ་སྤྱི་ཆིང་ཁྲི་12.4བཅོས་སྐྱོང་བྱས་པ་རེད། གཞན་ཡང་གནས་སྐབས་རིང་བཅོས་སྐྱོང་གི་ཆ་རྐྱེན་མི་འདང་བ་དང་། སྣོད་བཅུད་སྲུང་སྐྱོང་གི་དགོས་མཁོ་ཡོད་པ། སྒོ་དབྱེ་བེད་སྤྱོད་བྱ་རྒྱུར་འཚམ་པོ་མེད་པ་བཅས་ཀྱི་ཡུག་སྦྲེལ་བྱེ་འགྱུར་ས་ཆར་བྱེ་འགྱུར་ས་ཆ་བཀག་སྡོམ་སྲུང་སྐྱོང་ཁུལ་4བསྐྲུན་པ་དང་བཀག་སྡོམ་སྲུང་སྐྱོང་གཞི་ཁྱོན་སྤྱི་ཆིང་ཁྲི་45ཟིན་ཡོད་པ་རེད།

    བྱེ་འགྱུར་ཁུལ་གྱི་སྣོད་བཅུད་སྲུང་སྐྱོང་དང་བཅོས་སྐྱོང་ནུས་པ་ཆེ་རུ་གཏོང་ཆེད། ཚན་རིག་དང་མཐུན་པའི་ངང་བྱེ་འགོག་བྱེ་བཅོས་འཆར་གཞི་བཟོས་ཤིང་། བོད་ཀྱིས་སྣོད་བཅུད་བདེ་འཇགས་སྲུང་ཡོལ་སྲུང་སྐྱོང་དང་། བྱེ་འགོག་བྱེ་བཅོས་ལས་གྲྭ་འཆར་འགོད་དང་འཛུགས་སྐྲུན་བྱ་རྒྱུ་དེ་སྣོད་བཅུད་སླར་གསོ་དང་བཅོས་སྐྱོང་བྱེད་པའི་ལས་གྲྭ་གཙོ་བོའི་གྲས་ཤིག་ལ་བརྩིས་ནས། 《བོད་རང་སྐྱོང་ལྗོངས་ཀྱི“ལོ་ལྔ་ཚན་བཅུ་གསུམ་པའི”རིང་གི་རྒྱལ་དམངས་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་རྩ་གནད》དང《བོད་རང་སྐྱོང་ལྗོངས་ཀྱི“ལོ་ལྔ་ཚན་བཅུ་གསུམ་པའི”རིང་གི་ནགས་ལས་འཕེལ་རྒྱས་འཆར་འགོད》ནང་བཅུག་པ་དང་། བྱེ་འགོག་བྱེ་བཅོས་ཀྱི་འཆར་འགོད་བཟོ་བ་དང་། ལས་ཕྱོད་ལྟ་ཞིབ་ཚད་ལེན་བྱེད་པ། ཞིབ་བཤེར་ལ་སྐུལ་འདེད་གཏོང་བ། དྲིལ་བསྒྲགས་སློབ་གསོ་སོགས་ཐད་མ་འཇོག་བྱེད་ཤུགས་ཆེ་རུ་བཏང་བ་རེད། 2016ལོ་ནས་བཟུང་རང་སྐྱོང་ལྗོངས་ནོར་སྲིད་ཀྱིས་རིམ་རྩིས་བྱས་ན་བྱེ་འགོག་བྱེ་བཅོས་རྣམ་གྲངས་ལ་ཆེད་དོན་མ་དངུལ་སྒོར་ཁྲི་6450བཏང་བ་མ་ཟད། བྱེ་འགོག་བྱེ་བཅོས་ལས་དོན་གྱི་གྲོན་དངུལ་དེ་རིམ་པ་འདི་གའི་སྔོན་རྩིས་ནང་བཅུག་ནས་རིམ་རྩིས་བྱས་ན་མ་དངུལ་སྒོར་ཁྲི་400ཙམ་བཀོད་སྒྲིག་བྱས་ཡོད་པ་རེད།

འགན་འཁུར་རྩོམ་སྒྲིག་པ། ཟླ་བ་ཚེ་རིང་།

ཤིན་ཧྭ་དྲ་བ་མ་རྐང་ཚད་ཡོད་ཀུང་སིའི་བོད་ལྗོངས་ཡན་ལག་ཀུང་སི། ཤིན་ཧྭ་དྲ་བའི་བོད་ལྗོངས་འཕྲིན་ལམ། ཞལ་པར་ཨང་གྲངས། ༠༨༩༡--༦༢༨༢༥༢༡

Copyright @ 2000-2020 XINHUANET.com All Rights Reserved.

འདི་ག་དྲ་ཚུགས་ཐོག་བཀོད་པའི་ཤིན་ཧྭ་གསར་འགྱུར་ཁང་དང་ཤིན་ཧྭ་དྲ་བའི་གསར་འགྱུར། ཆ་འཕྲིན། དེ་བཞིན་ཆེད་སྒྲིག་སོགས་ཀྱི་ཡིག་ཆ་ཚང་མའི་བདག་དབང་ཤིན་ཧྭ་གསར་འགྱུར་ཁང་ལ་བདག་པས་གན་རྒྱ་དང་དབང་ཆ་སྤྲད་མེད་ཚེ་རང་དགར་ཕབ་སྤྱོད་བྱེད་མི་ཆོག

010020070840000000000000011100001391633881