བོད་ལྗོངས།
བོད་ཀྱིས་རྒྱལ་སྟོན་རིང་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་187ལྷག་ཙམ་ལ་སྣེ་ལེན་ཞུས་པ།

    ཤིན་ཧྭ་གསར་འགྱུར་ཁང་ལྷ་ས་ནས་གློག་འཕྲིན་འབྱོར་གསལ། གསར་འགོད་པར་བོད་རང་སྐྱོང་ལྗོངས་ཡུལ་སྐོར་འཕེལ་རྒྱས་ཐིང་ནས་ཤེས་རྟོགས་བྱུང་བར། ཟླ་10ཚེས་1ནས་8ཉིན་བར་བོད་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་187.6ལྷག་ཙམ་ལ་སྣེ་ལེན་ཞུས་ནས་ཡུལ་སྐོར་གྱི་ཡོང་འབབ་སྒོར་དུང་ཕྱུར་9.79བྱུང་ཡོད།

    གྲངས་གཞི་ལས་མངོན་གསལ། 2020ལོའི་རྒྱལ་སྟོན་ངལ་གསོའི་ཉིན་7རིང་བོད་རང་སྐྱོང་ལྗོངས་ཀྱིས་རྒྱལ་ཁབ་ཕྱི་ནང་གི་ཡུལ་སྐོར་བ་མི་ཐེངས་ཁྲི་177.46ལ་སྣེ་ལེན་ཞུས་པ་དེ་ན་ནིང་གི་དུས་མཚུངས་དང་བསྡུར་ན་11.45%འཕར་བ་དང་། ཡུལ་སྐོར་གྱི་ཡོང་འབབ་སྒོར་དུང་ཕྱུར་9.35ཟིན་པ་དེ་དུས་མཚུངས་ལས་14%འཕར་ཡོད།

    བོད་རང་སྐྱོང་ལྗོངས་ཡུལ་སྐོར་འཕེལ་རྒྱས་ཐིང་གི་འབྲེལ་ཡོད་འགན་འཁུར་བས། རྒྱལ་སྟོན་དང་ཟླ་མཆོད་དུས་ཆེན་རིང་གི་བོད་ཀྱི་ཡུལ་སྐོར་ཁྲོམ་རར་གཤམ་གསལ་གྱི་ཁྱད་ཆོས་གསར་པ་མངོན་ཚུལ་ངོ་སྤྲོད་བྱས་པ་སྟེ། གཅིག་ནི“བོད་ཀྱི་མིས་བོད་དུ་ཡུལ་སྐོར་བྱེད་པའི”བྱེད་སྒོ་གཙོ་བོར་བྱེད་པའི“ལྗོངས་ནང་དུ་ཉིན་གཅིག་སྐོར་བའི”ལྗོངས་སྐོར་བྱེད་སྟངས་མུ་མཐུད་མང་དུ་སོང་ནས་བོད་ཀྱི་ངལ་གསོའི་རིང་གི་ཡུལ་སྐོར་ཁྲོམ་རའི་འགྲུལ་པའི་ཡོང་ཁུངས་གཙོ་བོར་གྱུར་ཡོད། གཉིས་ནི་འཁོར་གཏོང་ཡུལ་སྐོར་བྱེད་སྟངས་མུ་མཐུད་མང་དུ་སོང་ནས་འཁོར་གཏོང་ཡུལ་སྐོར་ཉིད་བོད་ཀྱི“གྲོང་གསེབ་ཀྱི་དམངས་ཁྱིམ་མགྲོན་ཁང་དུ་བསྡད་ནས་དམངས་སྲོལ་མྱོང་རོལ་བྱེད་པའི་ཡུལ་སྐོར”གྱི་འཛད་སྤྱོད་གཙོ་བོར་གྱུར་ཏེ། བོད་ཀྱི་གྲོང་གསེབ་ཡུལ་སྐོར་གྱི་འཕེལ་རྒྱས་ལ་མུ་མཐུད་སྐུལ་ཁྲིད་ཐུབ་ཡོད་པ་རེད།

འགན་འཁུར་རྩོམ་སྒྲིག་པ། བསྟན་ནོར།

ཤིན་ཧྭ་དྲ་བ་མ་རྐང་ཚད་ཡོད་ཀུང་སིའི་བོད་ལྗོངས་ཡན་ལག་ཀུང་སི། ཤིན་ཧྭ་དྲ་བའི་བོད་ལྗོངས་འཕྲིན་ལམ། ཞལ་པར་ཨང་གྲངས། ༠༨༩༡--༦༢༨༢༥༢༡

Copyright @ 2000-2020 XINHUANET.com All Rights Reserved.

འདི་ག་དྲ་ཚུགས་ཐོག་བཀོད་པའི་ཤིན་ཧྭ་གསར་འགྱུར་ཁང་དང་ཤིན་ཧྭ་དྲ་བའི་གསར་འགྱུར། ཆ་འཕྲིན། དེ་བཞིན་ཆེད་སྒྲིག་སོགས་ཀྱི་ཡིག་ཆ་ཚང་མའི་བདག་དབང་ཤིན་ཧྭ་གསར་འགྱུར་ཁང་ལ་བདག་པས་གན་རྒྱ་དང་དབང་ཆ་སྤྲད་མེད་ཚེ་རང་དགར་ཕབ་སྤྱོད་བྱེད་མི་ཆོག

010020070840000000000000011100001394366561