བོད་ལྗོངས།
ལྷུན་རྩེའི་ཡུལ་སྨད་ཤང་དུ་གློག་སྐུད་ཚང་མ་འཁྲིད་ཟིན་པ།

    ཤིན་ཧྭ་གསར་འགྱུར་ཁང་ལྷ་ས་ནས་གློག་འཕྲིན་འབྱོར་གསལ། ཉེ་དུས་བོད་རང་སྐྱོང་ལྗོངས་ལྷོ་ཁ་གྲོང་ཁྱེར་ལྷུན་རྩེ་རྫོང་ཡུལ་སྨད་ཤང་དུ་གློག་སྐུད་ཚང་མ་འཁྲིད་ཟིན་ནས་དུད་ཚང་9ཡི་མང་ཚོགས་32ཚང་མས་རྒྱལ་ཁབ་གློག་དྲའི་རྒྱུན་མི་ཆད་པའི་གློག་ནུས་སྤྱོད་ཐུབ་རྒྱུ་ཡིན་པ་རེད།

    ཡུལ་སྨད་ཤང་འདི་ཉིད་རང་རྒྱལ་གྱི་མཐའ་མཚམས་སུ་གནས་པས་མཐའ་འཁོར་ཚང་མ་རི་ཡིན་པའི་ཁར་ཆ་སྙོམས་ས་བབ་མཐོ་ཚད་སྨི་3650ཡི་ཐག་རིང་ལུང་ཁུག་སར་གནས་ཡོད། དུས་ཡུན་རིང་པོའི་ནང་ཡུལ་སྨད་ཤང་དུ་སངས་རྒྱས་ཆོས་འཕགས་དང་ཁོང་གི་བུ་མོ་རྒན་གཞོན་སྒྲོལ་དཀར་དང་གཡང་འཛོམས་གཉིས་ལས་མེད་པས“མི་གསུམ་ཤང”ཞེས་བརྗོད་སྲོལ་ཡོད། རང་རྒྱལ་གྱིས་མཐའ་མཚམས་ས་ཁུལ་གྱི་འཛུགས་སྐྲུན་ལ་རྒྱུན་ཆད་མེད་པར་ཤུགས་སྣོན་བརྒྱབ་པ་དང་བསྟུན་ནས་ས་གནས་དེ་གའི་མི་འབོར་ཡང་དུད་ཚང་9དང་མི་གྲངས་32བར་མང་དུ་ཕྱིན་ཡོད།

    བཟོ་པས་ཡུལ་སྨད་ཤང་མང་ཚོགས་ཀྱི་ཁྱིམ་ཚང་དུ་གློག་ཚོད་ལྟ་བྱེད་པ།(2017ལོའི་ཟླ་12ཚེས་18ཉིན་པར་བླངས) ཤིན་ཧྭ་གསར་འགྱུར་ཁང་ནས་སྤེལ།

    དུས་ཡུན་རིང་པོའི་ནང་། གློག་སྤྱོད་གནད་དོན་དེས་ཡུལ་སྨད་ཤང་གི་མང་ཚོགས་དང་གཞི་རིམ་སྡེ་ཚན་ལ་འགོག་རྐྱེན་ཆེན་པོ་བཟོས་ཡོད། 2008ལོར་ས་གནས་དེ་གས་ཆན་ཝ་125ཡི་ཆུ་ཤུགས་གློག་ཁང་ཆུང་ངུ་ཞིག་བསྐྲུན་ནའང་མི་འབོར་མང་དུ་ཕྱིན་པ་དང་མི་སེར་གྱི་འཚོ་བའི་ཆ་རྐྱེན་རྒྱུན་ཆད་མེད་པར་ལེགས་སུ་ཕྱིན་སྟབས། གློག་སྤྱོད་དགོས་མཁོ་ཇེ་ཆེར་སོང་ནས་ཤང་ནང་རྟག་ཏུ་གློག་ཆད་ཀྱི་ཡོད་པ་རེད།

    བཟོ་པས་ཡུལ་སྨད་ཤང་ནང་ཁོངས་སུ་གློག་བཟོ་བཞིན་པ།(2017ལོའི་ཟླ་12ཚེས་17ཉིན་པར་བླངས)ཤིན་ཧྭ་གསར་འགྱུར་ཁང་ནས་སྤེལ།

    2017ལོའི་ཟླ་8པར། ཡུལ་སྨད་ཤང་དུ་གློག་སྐུད་འཁྲིད་པའི་རྣམ་གྲངས་ལག་བསྟར་བྱེད་འགོ་ཚུགས་ཤིང་། རྣམ་གྲངས་སྤྱི་ཁྱབ་པུའི་ལག་རྩལ་ཆེ་མོ་བ་པའེ་ཧྥུང་གིས“བཟོ་པ་ཚོས་ལས་དུས་འཕར་མ་བྱས་པ་མ་ཟད། འཕྲུལ་འཁོར་འཛེག་མི་ཐུབ་པའི་ས་ཆར་མི་ཤུགས་ལ་བརྟེན་ནས་གློག་ཤིང་བཙུགས་ཡོད། གལ་ཏེ་བདེ་ལམ་ཐོག་གློག་ཤིང་བཙུགས་ཚེ། སྐར་མ་20ལས་འགོར་གྱི་མེད། འོན་ཀྱང་དེར་ཉིན་གཅིག་ནས་གཉིས་བར་འགོར་གྱི་འདུག”ཅེས་བཤད།

    “གློག་སྐུད་འཁྲིད་སྐབས་དེ་བས་རྙོག་དྲ་ཆེ། བཟོ་པ་ཚོས་སྐེད་པར་བདེ་འཇགས་ཐག་པ་བཏགས་ནས་གཡང་གཟར་དང་གདོད་མའི་ནགས་ཚལ་བརྒྱུད་ནས་གློག་སྐུད་འཁྲིད་དགོས་ཀྱི་ཡོད། 2017ལོའི་ལོ་མཇུག་བར་ཟླ་བ་ལྔ་འབད་བརྩོན་ཧུར་ཐག་བྱས་པ་བརྒྱུད། ཡུལ་སྨད་ཤང་དུ་གློག་སྐུད་ཚང་མ་འཁྲིད་ཟིན”ཞེས་པའེ་ཧྥུང་གིས་བཤད།

འགན་འཁུར་རྩོམ་སྒྲིག་པ། ཟླ་བ་ཚེ་རིང་།
010020070840000000000000011100001368712641