བོད་ལྗོངས།
བོད་ལྗོངས་ཆབ་མདོའི་རྒྱལ་མོ་རྔུལ་ཆུའི་ལུང་གཞུང་དུ་འཚོ་སྡོད་བྱེད་པའི་གསའ།

    དམར་ཕྱིའི་པར་ལེན་འཕྲུལ་ཆས་ཀྱིས་ཟླ་11ཚེས་14ཉིན་རི་ཐང་ཁུལ་དུ་པར་ལེན་བྱས་པའི་གསའ་དང་གསའ་ཕྲུག ཤིན་ཧྭ་གསར་འགྱུར་ཁང་ནས་སྤེལ།

    ཤིན་ཧྭ་དྲ་བའི་བོད་ཡིག་འཕྲིན་ལམ་དུ་ནས། བོད་ལྗོངས་ཆབ་མདོ་གྲོང་ཁྱེར་སྟེང་ཆེན་རྫོང་སྲིད་གཞུང་དང་དམངས་ཁྲོད་ཁོར་ཡུག་སྲུང་སྐྱོབ་རྩ་འཛུགས་རི་ཆུ་རང་བྱུང་སྲུང་སྐྱོབ་ལྟེ་གནས་གཉིས་ཀྱིས་མཉམ་དུ་སྤེལ་བའི་རྒྱལ་མོ་རྔུལ་ཆུའི་ལུང་གཞུང་གི་སྐྱེ་དངོས་སྣ་མང་ཅན་གྱི་ལྟ་ཞིབ་ཚད་ལེན་ལས་གསལ་བར། དམར་ཕྱིའི་པར་ལེན་འཕྲུལ་ཆས་ཀྱིས་ཆབ་མདོའི་རྒྱལ་མོ་རྔུལ་ཆུའི་ལུང་གཞུང་དུ་གསའི་རིགས་ཁྱུ་པར་ལེན་ཐུབ་ཡོད། གསའ་ནི་རྒྱལ་ཁབ་ཀྱི་རིམ་པ་དང་པོའི་སྲུང་སྐྱོབ་བྱ་ཡུལ་སྲོག་ཆགས་ཡིན་པ་དང་། 1996ལོར《ཀྲུང་གོའི་སྟོངས་ལ་ཉེ་བའི་སྲོག་ཆགས་ཀྱི་རྒྱབ་ཤ་དམར་པོའི་དེབ》ནང་བཅུག་ཡོད། རི་ཆུ་རང་བྱུང་སྲུང་སྐྱོབ་ལྟེ་གནས་ཀྱི་ངོ་སྤྲོད་ལ་གཞིགས་ན། ད་ཐེངས་ཀྱི་ལྟ་ཞིབ་ཚད་ལེན་ཁུལ་ནི་སྟེང་ཆེན་རྫོང་གཏམ་སྟོད་ཤང་ནང་ཁོངས་སུ་ཡིན་པ་དང་། དུས་ཚོད་ནི་2017ལོའི་ཟླ་11ཚེས་1ཉིན་ནས་འགོ་བཙུགས་པ་དང་དུས་ཡུན་ཟླ་བ་གཅིག་གི་ལྟ་ཞིབ་ཚད་ལེན་རིང་། ལྟ་ཞིབ་ཚད་ལེན་མི་སྣ་འབྲོག་པ་16གིས་སྤྱི་ལེ་གྲུ་བཞི་མ་100ལྷག་ཙམ་གྱི་ཁྱབ་ཁོངས་སུ་དམར་ཕྱིའི་པར་ལེན་འཕྲུལ་ཆས་20བསྒྲིགས་ཤིང་། ཁྱོན་གསའ་འགུལ་སྐྱོད་བྱེད་པའི་བརྙན་རིས་ཐེངས་26བླངས་ཡོད་པ་རེད།

    དམར་ཕྱིའི་པར་ལེན་འཕྲུལ་ཆས་ཀྱིས་ཟླ་12ཚེས་3ཉིན་རི་ཐང་ཁུལ་དུ་པར་ལེན་བྱས་པའི་གསའ། ཤིན་ཧྭ་གསར་འགྱུར་ཁང་ནས་སྤེལ།

    དམར་ཕྱིའི་པར་ལེན་འཕྲུལ་ཆས་ཀྱིས་ཟླ་11ཚེས་28ཉིན་རི་ཐང་ཁུལ་དུ་པར་ལེན་བྱས་པའི་གསའ། ཤིན་ཧྭ་གསར་འགྱུར་ཁང་ནས་སྤེལ།

འགན་འཁུར་རྩོམ་སྒྲིག་པ། ཟླ་བ་ཚེ་རིང་།
010020070840000000000000011100001368373641