བོད་ལྗོངས།
བོད་ཀྱི་མངོན་མིན་ཤུལ་བཞག་རིག་གནས་རྒྱུན་འཛིན་པའི་ངག་གསུང་དངོས་བཀོད་ཅེས་པ་དཔེ་སྐྲུན་འགྲེམས་སྤེལ་བྱས།

    སྤྱི་ཚེས་21ཉིན། གསར་འགོད་པས་བོད་ལྗོངས་ཀྱི་འབྲེལ་ཡོད་ཚན་པ་ནས་ཤེས་རྟོགས་བྱས་པར་གཞིགས་ན། བོད་ཀྱི་མངོན་མིན་ཤུལ་བཞག་རིག་གནས་རྒྱུན་འཛིན་པའི་ངག་གསུང་དངོས་བཀོད་ཅེས་པ་དངོས་སུ་དཔེ་སྐྲུན་འགྲེམས་སྤེལ་བྱས་ཡོད། དེ་ནི་བོད་ལྗོངས་ཀྱི་མངོན་མིན་ཤུལ་བཞག་རིག་གནས་རྒྱུན་འཛིན་པའི་ངག་ནས་གསུངས་པའི་གནས་ཚུལ་དངོས་སུ་བཀོད་པའི་དེབ་ཐོག་མ་དེ་ཡིན། དེབ་དེའི་ནང་བརྙན་པར་སོགས་བརྒྱུད་མངོན་མིན་ཤུལ་བཞག་རིག་གནས་རྒྱུན་འཛིན་པའི་རིག་གཞུང་གྲུབ་འབྲས་ཕྱོགས་ཡོངས་ནས་བཀོད་ཡོད་པས། བོད་ཀྱི་མངོན་མིན་ཤུལ་ཞག་རིག་གནས་ཞིབ་འཇུག་བྱེད་རྒྱུར་དཔྱད་གཞིའི་རིན་ཐང་ཅུང་ཆེན་པོ་ལྡན་ཡོད།

    ཤེས་རྟོགས་བྱས་པར་གཞིགས་ན། མངོན་མིན་ཤུལ་བཞག་རིག་གནས་རྒྱུན་འཛིན་པའི་ངག་ནས་གསུངས་པའི་གནས་ཚུལ་དངོས་བཀོད་དེབ་དེ་ནི་སྤྱི་ལོ་2013ལོའི་རྒྱལ་ཁབ་དཔེ་སྐྲུན་ཐེབས་རྩའི་རྣམ་གྲངས་ཞིག་རེད། ལོ་གསུམ་རྟོགས་ཞིབ་བྱས་པ་དང་ཡིག་རིགས་དང་པར་རིས། བརྙན་ལམ་བཅས་ཀྱི་རྣམ་པ་བརྒྱུད་བོད་ལྗོངས་ཀྱི་རྒྱལ་ཁབ་རིམ་པ་དང་རང་སྐྱོང་ལྗོངས་རིམ་པའི་མངོན་མིན་ཤུལ་ཞག་རིག་གནས་ཀྱི་རྒྱུན་འཛིན་པ་22 ལ་དམངས་ཁྲོད་མཛེས་རྩལ་དང་རོལ་དབྱངས། གླུ་གར། ལྷ་མོ། མི་རིགས་ལག་ཤེས་བཟོ་རྩལ། བོད་ལུགས་གསོ་རིག་དང་བོད་སྨན་སོགས་ཀྱི་བཅར་འདྲིའི་ནང་དོན་ཞིབ་ཕྲ་བཀོད་ཡོད་པ་རེད།

འགན་འཁུར་རྩོམ་སྒྲིག་པ། ཟླ་བ་ཚེ་རིང་།
010020070840000000000000011100001367762151