བོད་ལྗོངས།
བོད་རང་སྐྱོང་ལྗོངས་ལྷ་མོ་ཚོགས་པ་བཙུགས་ནས་ལོ་ངོ་60ཡི་རིང་ལོ་རེར་ཆ་སྙོམས་མང་ཚོགས་ལ་འཁྲབ་སྟོན་ཐེངས་བརྒྱ་ལྷག་ཙམ་བྱས་པ།

    བོད་ལྗོངས་ཉིན་རེའི་ཚགས་པར་ཁང་ནས་གནས་ཚུལ་སྤེལ་བ་ལྟར་ན། གསར་འགོད་པར་བོད་རང་སྐྱོང་ལྗོངས་ལྷ་མོ་ཚོགས་པ་བཙུགས་ནས་ལོ་ངོ་60འཁོར་བར་དྲན་གསོ་ཞུ་བའི་བྱེད་སྒོའི་ཐོག་ནས་ཤེས་རྟོགས་བྱུང་བར། ལོ་ངོ་60ཡི་རིང་བོད་རང་སྐྱོང་ལྗོངས་ལྷ་མོ་ཚོགས་པས་ཏང་དང་རྒྱལ་ཁབ་ཀྱི་ཐུགས་ཁུར་འོག་མི་དམངས་ལྟེ་བར་འཛིན་རྒྱུ་མཐའ་འཁྱོངས་བྱེད་པ་དང་། དུས་རབས་དང་གོམ་སྟབས་གཅིག་མཚུངས་ཡོང་རྒྱུ་མཐའ་འཁྱོངས་བྱེད་པ། ཀུན་སྤྱོད་ཤེས་དཔལ་གྱིས་དར་སྲོལ་ལ་སྣེ་ཁྲིད་བྱ་རྒྱུ་མཐའ་འཁྱོངས་བྱེད་པ་བཅས་བྱས་ནས་དུས་རབས་གསར་པ་རྩོམ་པ་དང་དུས་རབས་གསར་པར་བསྟོད་གླུ་ལེན་པའི་འགན་འཁྲི་ཕྲག་ཏུ་འཁུར་བས་བྱ་གཞག་ཁག་ལ་འཕེལ་རྒྱས་མྱུར་པོ་བྱུང་ཡོད།

    བོད་ལྗོངས་ལྷ་མོ་ཚོགས་པ་བཙུགས་ནས་ལོ་ངོ་60ཡི་རིང་ལྗོངས་ལྷ་མོ་ཚོགས་པས་བོད་རང་སྐྱོང་ལྗོངས་ཀྱི་ཚབ་ཞུས་ནས་རྒྱལ་སྤྱིའི་སྒྱུ་རྩལ་དུས་ཆེན་དང་། ཀྲུང་གོའི་སྒྱུ་རྩལ་དུས་ཆེན། ཀྲུང་གོའི་ཟློས་གར་དུས་ཆེན། རྒྱལ་ཡོངས་གྲངས་ཉུང་མི་རིགས་ཀྱི་རིག་རྩལ་མཉམ་འཁྲབ། རྒྱལ་ཡོངས་ཀྱི་ས་གནས་ཟློས་གར་གྱི་ཕུལ་བྱུང་ལེ་ཚན་སྐོང་འཁྲབ་སོགས་རྒྱལ་ཁབ་ཕྱི་ནང་གི་འཚམས་འདྲིའི་བྱེད་སྒོ་གལ་ཆེན་དང་འགྲན་བསྡུར་སྐོང་འཁྲབ་ལ་ཞུགས་པ་མ་ཟད། རྒྱལ་ཁབ་རིམ་པའི་གཙོ་གནད་བྱ་དགའ་50ལྷག་ཙམ་ཐོབ་ཡོད། 2014ལོར་རིག་གནས་པུས་རྒྱལ་ཡོངས་ཀྱི་གཙོ་གནད་གསར་རྩོམ་འཁྲབ་སྟོན་ཚོགས་པ་39ཡི་གྲས་ཤིག་ཏུ་བདམས་ཏེ་སྔ་རྗེས་སུ་རི་པིན་དང་ཨ་རི་སོགས་རྒྱལ་ཁབ་དང་ས་ཁུལ་30ལྷག་ཙམ་ལ་འཁྲབ་སྟོན་བྱེད་པར་བསྐྱོད་པས་དགའ་བསུ་ཚད་མེད་ཐོབ་པ་དང་སྤྱི་ཚོགས་ཀྱི་ཚུར་སྣང་ལན་ཆ་ཆེན་པོ་བྱུང་སྟེ་རྒྱལ་ཁབ་དང་མི་རིགས་ལ་གཟི་བརྗིད་བསྣན་ཡོད།

    བོད་ལྗོངས་ལྷ་མོ་ཚོགས་པས་ཐོག་མཐའ་བར་གསུམ་དུ་གཞི་རིམ་གྱི་ཞིང་འབྲོག་མང་ཚོགས་ལ་འཁྲབ་སྟོན་བྱ་རྒྱུ་དེ་འགན་འཁྲི་གཙོ་བོར་བརྩིས་ནས་མང་ཚོགས་ཀྱིས་ལྟ་འདོད་ལ་ཉན་སྤྲོ་བའི་ལེ་ཚན་འཁྲབ་སྟོན་བྱས་ནས་གཞི་རིམ་མང་ཚོགས་ཀྱི་བསམ་བློ་དང་རིག་གནས་ཀྱི་འཚོ་བ་དེ་བས་ཕུན་སུམ་ཚོགས་སུ་དང་འཁྲུག་ཆ་དོད་དུ་བཏང་ཡོད། ལྷ་མོ་འཁྲབ་མཁན་མི་རབས་མང་པོས་ས་གཞི་ཆེ་མོའི་གར་སྟེགས་ཐོག་ལོ་རེར་ཆ་སྙོམས་ཞིང་འབྲོག་པ་དང་མི་རིགས་ཁག་གི་མང་ཚོགས་ལ་འཁྲབ་སྟོན་ཐེངས་120ལྷག་ཙམ་བྱས་པ་དང་། ལོ་རེར་ཆ་སྙོམས་གཤམ་སྐྱོད་སྤྱི་ལེ་4000ལྷག་ཙམ་བྱས་པ། ལོ་རེར་ཆ་སྙོམས་ལྟད་མོ་ལྟ་མཁན་བསྡོམས་མི་ཐེངས་ཁྲི་20ལྷག་ཙམ་ཟིན་ཡོད་པ་རེད།

(འགན་འཁུར་རྩོམ་སྒྲིག་པ། ཟླ་བ་ཚེ་རིང་།)

ཤིན་ཧྭ་དྲ་བ་མ་རྐང་ཚད་ཡོད་ཀུང་སིའི་བོད་ལྗོངས་ཡན་ལག་ཀུང་སི། ཤིན་ཧྭ་དྲ་བའི་བོད་ལྗོངས་འཕྲིན་ལམ། ཞལ་པར་ཨང་གྲངས། ༠༨༩༡--༦༢༨༢༥༢༡

Copyright @ 2000-2020 XINHUANET.com All Rights Reserved.

འདི་ག་དྲ་ཚུགས་ཐོག་བཀོད་པའི་ཤིན་ཧྭ་གསར་འགྱུར་ཁང་དང་ཤིན་ཧྭ་དྲ་བའི་གསར་འགྱུར། ཆ་འཕྲིན། དེ་བཞིན་ཆེད་སྒྲིག་སོགས་ཀྱི་ཡིག་ཆ་ཚང་མའི་བདག་དབང་ཤིན་ཧྭ་གསར་འགྱུར་ཁང་ལ་བདག་པས་གན་རྒྱ་དང་དབང་ཆ་སྤྲད་མེད་ཚེ་རང་དགར་ཕབ་སྤྱོད་བྱེད་མི་ཆོག

010020070840000000000000011100001395602971