གསར་འགྱུར་ལྟེ་གནས། ནོར་སྲིད་ཁྲིམས་ལུགས། སྤྱི་ཚོགས་དམངས་འཚོ། ཚན་རྩལ་སློབ་གསོ། རིག་གནས་སྒྱུ་རྩལ། ཞིང་འབྲོག་གསར་པ།
སྣོད་བཅུད་ཡུལ་སྐོར། དམངས་སྲོལ་ཆོས་ལུཊ། དམིཊ་བསལ་ཆེད་སྒྲིག གནའ་དེང་མི་སྣ། བོད་སྐྱོར་ལས་དོན། གསོ་རིག་བོད་སྨན།
༄༅།། ལོ་ དྲུག་ ནང་ ཚུན་ དུ་ སྒེར་ འཁོར་ གསར་ པར་ ཞིབ་ བཤེར་ བྱེད་ མི་ དགོས་ པའི་ གཏན་ འབེབས་ གསར་ པ་ ཟླ་ 9པ་ ནས་ ལག་ ལེན་ བསྟར་ རྒྱུ་ ཡིན་ པ།
2014-09-01        གསར་འགྱུར་འབྱུང་ཁུངས། ཤིན་ཧྭ་གསར་འགྱུར་ཁང་།        འགན་འཁུར་རྩོམ་སྒྲིག་པ། ཟླ་བ་ཚེ་རིང་།

    སྤྱི་བདེ་པུའུ་དང་རྒྱལ་ཁབ་སྤུས་བཤེར་སྤྱི་ཁྱབ་ཅུས་ཀྱིས་མཉམ་འབྲེལ་རླངས་འཁོར་ཞིབ་བཤེར་སྒྱུར་བཅོས་ཀྱི་བྱ་ཐབས་བཏོན་ནས་འདི་ལོའི་ཟླ་9ཚེས་1ཉིན་ནས་བཟུང་བེད་སྤྱོད་ལོ་དྲུག་ནང་ཚུན་དུ་སྒེར་འཁོརཚོང་གཉེར་ཁྲོད་སྤྱོད་རྒྱུ་མིན་པའི་འཇིབ་ཆུང་དང་འགྲུལ་སྐྱེལ་འཁོར་རིགས་ཆུང་གྲས་དང་ཆེས་ཆུང་གྲས་ཚུདགཏོང་རིང་ཞིབ་བཤེར་བྱེད་དགོས་མེད་པ་རེད།

    སྤྱི་བདེ་པུའི་འགྲིམ་འགྲུལ་དོ་དམ་ཅུས་ཀྱི་འགན་འཁུར་བས་ངོ་སྤྲོད་བྱས་པར་གཞིགས་ན།འབྲེལ་ཡོད་ཀྱི་ཁྲིམས་ལུགས་གཏན་འབེབས་ལྟར་ལོ་གཉིས་རེའི་ཐོག་དུས་གཏན་ཞིབ་བཤེར་རེ་བྱེད་སྐབས་འཁོར་བདག་གིས་རླངས་འཁོར་གཏོང་ཆོག་པའིལག་ཁྱེར་དང་། འགྲིམ་འགྲུལ་དོན་རྐྱེན་འགན་འཁྲིའི་བཙན་ཐབས་འགན་བཅོལ། རླངས་འཁོར་དང་གྲུ་གཟིངས་ཀྱི་དཔྱ་ཁྲལ་གཙང་འཇལ་ངོ་སྤྲོད་བཅས་ངེས་པར་དུ་བསྟན་དགོས་པ་དང་ཆབས་ཅིག་འགྲིམ་འགྲུལ་དོན་རྐྱེན་དང་འགྲིམ་འགྲུལ་བདེ་འཇགས་ཀྱི་བཅའ་ཁྲིམས་ལས་འགལ་རིགས་ཐག་གཅོད་བྱས་རྗེས་རླངས་འཁོར་དོ་དམ་ཁང་ལ་ཞིབ་བཤེར་བྱས་པའི་མཚོན་རྟགས་ཐད་ཀར་ལེན་དུ་བསྐྱོད་ཆོགས་གནས་སྤྱི་བདེ་འགྲིམ་འགྲུལ་དོ་དམ་སྡེ་ཚན་གྱིས་རླངས་འཁོར་དོ་དམ་ཁང་དང་། དེའི་ཡན་ལག་ཁང་། འཁོར་རིགས་ཐོ་འགོད་ཞབས་ཞུའི་ས་ཚིགས།འགྲིམ་འགྲུལ་བཅའ་ཁྲིམས་ལས་འགལ་རིགས་ཐག་གཅོད་བྱ་ཡུལ། འཁོར་རིགས་ལག་བརྒྱུད་ཉོ་ཚོང་ཁྲོམ་ར་སོགས་སུ་ཞིབ་བཤེར་མཚོན་རྟགས་སྤྲོད་ས་3050ལྷག་ཙམ་བཙུགས་ནས་འཁོར་བདག་ཚོར་ཐག་ཉེ་ས་ནས་རང་དགར་ལེན་རྒྱུར་སྟབས་བདེ་བསྐྲུན་ཡོད།

    ད་རེས་ཀྱི་རླངས་འཁོར་ཞིབ་བཤེར་སྒྱུར་བཅོས་ནང་ཨང་རྟགས་ལྕགས་ལེབ་གསར་པ་བསྒར་རྒྱུའི་འཁོར་རིགས་གསར་པར་ཞིབ་བཤེར་བྱེད་མི་དགོས་པ་དང་། འཁོར་རིགས་ཞིང་ཆེན་གཅིག་ནང་ཁོངས་ཀྱི་ས་ཆ་གཞན་དུ་ཡང་ཞིབ་བཤེར་བྱེད་ཆོག་པ། ཞིབ་བཤེར་དུས་ཆད་བཟོ་བ་སོགས་རླངས་འཁོར་ཞབས་ཞུའི་བྱ་ཐབས་གསར་པ་མང་པོ་བཏོན་པ་མ་ཟད། རླངས་འཁོར་ཞིབ་བཤེར་ནན་པོ་མེད་པ་དང་། ཚད་དང་མ་མཐུན་པ། སྟབས་མི་བདེ་བའི་གནད་དོན་ལ་དམིགས་ནས་ཞིབ་བཤེར་སྒྲིག་གཞིའི་ཞིབ་མཆན་འགོད་ལམ་མགྱོགས་སུ་བཏང་བ་དང་། ཞིབ་བཤེར་སྒྲིག་གཞིའི་ལྟ་སྐུལ་དོ་དམ་བྱེད་ཤུགས་ཆེ་རུ་བཏང་བ།སྲིད་གཞུང་སྡེ་ཚན་དང་ཞིབ་བཤེར་སྒྲིག་གཞིའི་དབར་འབྲེལ་བ་མེད་པ་བཟོས་པ། སྒྲིག་འགལ་ཁྲིམས་འགལ་གྱི་འགན་འཁྲི་བདའ་འདེད་གཏོང་ཤུགས་ཆེ་རུ་གཏོང་རྒྱུ་སོགས་ཕྱོགས་མང་པོ་ནས་སྒྱུར་བཅོས་ཀྱི་བྱ་ཐབས་བཏོན་ཡོད།

    མིག་སྔར་ས་གནས་ཀྱི་སྤྱི་བདེ་འགྲིམ་འགྲུལ་སྡེ་ཚན་གྱིས་སྤུས་བཤེར་སྡེ་ཚན་དང་མཉམ་དུ་སྒྱུར་བཅོས་ཀྱི་སྲིད་ཇུས་གསར་པ་ཁག་དོན་འཁྱོལ་ནན་ཏན་བྱེད་རིང་ཨང་རྟགས་ལྕགས་ལེབ་བསྒར་རྒྱུའི་འཁོར་རིགས་གསར་པར་ཁྱོན་ཡོངས་ནས་ཞིབ་བཤེར་བྱེད་མི་དགོས་པ་ལག་ལེན་བསྟར་ནས་འགྲུལ་སྐྱེལ་རླངས་འཁོར་ཆུང་གྲས་དང་ཆེས་ཆུང་གྲས་དང་དེ་བཞིན་འཇིབ་ཆུང་ཚང་མའི་འཁོར་རིགས་གསར་པའི་ཐོ་འགོད་རིང་ཞིབ་བཤེར་སྒྲིག་གཞིར་བསྐྱོད་ནས་ཞིབ་བཤེར་བྱེད་མི་དགོས།

    དྲང་གཞག་དྲང་བདེན་གྱི་ཞིབ་བཤེར་ཁོར་ཡུག་ཅིག་ཆགས་པ་བྱ་ཆེད། ས་གནས་སྤྱི་བདེ་དང་སྤུས་བཤེར་སྡེ་ཚན་གྱིས་ཞིབ་བཤེར་སྒྲིག་གཞི་དེ་ཉིད་སྤྱི་ཚོགས་ལ་ཕྱོགས་པ་ལས་ཚོང་གཉེར་མི་བྱ་རྒྱུར་ཁྱོན་ཡོངས་ནས་སྐུལ་མ་བཏང་བར་མིག་སྔར་ཞིབ་བཤེར་སྒྲིག་གཞི་35ལོགས་སུ་གྱེས་ཡོད།

    རླངས་འཁོར་ཞིབ་བཤེར་སྒྱུར་བཅོས་བྱ་ཐབས་དོན་འཁྱོལ་གནད་སྨིན་ཡོང་ཆེད། སྤྱི་བདེ་པུས་རིམ་ཁག་སྤྱི་བདེ་འགྲིམ་འགྲུལ་སྡེ་ཚན་ལ་ལག་ལེན་བསྟར་རྒྱུའི་གྲ་སྒྲིག་ཡག་པོ་བྱས་ཏེ། ཤེས་དགོས་ངེས་ཀྱི་ཞབས་ཞུ་དྲན་སྐུལ་བྱེད་ཤུགས་ཆེ་རུ་གཏོང་བ་དང་འགྲོ་ལུགས་བརྒྱུད་རིམ་སྟབས་བདེ་ཡོང་བའི་བཀོད་སྒྲིག་བྱས་པ་མ་ཟད། སྤྱི་བདེ་པུའི་འགྲིམ་འགྲུལ་དོ་དམ་ཅུས་ཀྱིས་སྤྱི་བདེ་པུའི་སྲིད་གཞུང་དྲ་ཚིགས་དང་། སྤྱི་བདེ་པུའི་འགྲིམ་འགྲུལ་དོ་དམ་ཅུས་ཀྱི་གཞུང་ཕྱོགས་དཔོད་ཕྲན་དང་འཕྲིན་ཆུང་ཐོག“སྤྱི་བདེ་པུའི་འགྲིམ་འགྲུལ་བདེ་འཇགས་ཆ་འཕྲིན་ཡོངས་བསྒྲགས”དང་དེ་བཞིན་ཤིན་ཧྭ་དྲ་ཚིགས་དང་སའོ་ཀུའུ་དྲ་ཚིགས་སོགས་གཙོ་ཆེའི་དྲ་ཚུགས་ཐོག“ཞིབ་བཤེར་རྩིས་རྒྱག་ཡོ་ཆས”ཀྱི་མཉེན་ཆས་བཏོན་པས་མང་ཚོགས་རང་ཉིད་ཀྱིས་འཁོར་རིགས་གཏོང་རིང་ཞིབ་བཤེར་བྱེད་མི་དགོས་པའི་སྲིད་ཇུས་ལོངས་སུ་སྤྱོད་རྒྱུ་ཡོད་མེད་ལྟ་རྒྱུར་སྟབས་བདེ་བསྐྲུན་ཡོད།

    

མཛའ་འབྲེལ་དྲ་བ།
010020070840000000000000011100001336117881