གསར་འགྱུར་ལྟེ་གནས། ནོར་སྲིད་ཁྲིམས་ལུགས། སྤྱི་ཚོགས་དམངས་འཚོ། ཚན་རྩལ་སློབ་གསོ། རིག་གནས་སྒྱུ་རྩལ། ཞིང་འབྲོག་གསར་པ།
སྣོད་བཅུད་ཡུལ་སྐོར། དམངས་སྲོལ་ཆོས་ལུཊ། དམིཊ་བསལ་ཆེད་སྒྲིག གནའ་དེང་མི་སྣ། བོད་སྐྱོར་ལས་དོན། གསོ་རིག་བོད་སྨན།
  • ༄༅།། སྐབས་ དང་ པོའི་ ཀྲུང་ གོའི་ བོད་ ལྗོངས་ ཡུལ་ སྐོར་ དང་ རིག་ གནས་ ཀྱི་ རྒྱལ་ སྤྱིའི་ འགྲེམས་ ཚོགས་ ཟླ་ འདིའི་ ཚེས་ 25ནས་ 27ཉིན་ བར་ ལྷ་ སར་ གཉེར་ རྒྱུ་ གཏན་ ཁེལ་ བ།

 
2014-09-12        གསར་འགྱུར་འབྱུང་ཁུངས། ཀྲུང་གོའི་བོད་ཀྱི་གསར་འགྱུར་དྲ་བ།        འགན་འཁུར་རྩོམ་སྒྲིག་པ། བསྟན་ཉི།

    ཟླ་9ཚེས་10ཉིན་གྱི་སྔ་དྲོ་རིག་གནས་པུའུ་དང་།རྒྱལ་ཁབ་ཡུལ་སྐོར་ཅུས།བོད་རང་སྐྱོང་ལྗོངས་སྲིད་གཞུང་བཅས་ཀྱིས་མཉམ་འབྲེལ་ཐོག་གཙོ་གཉེར་བྱས་པ་དང་བོད་རང་སྐྱོང་ལྗོངས་སྲིད་གཞུང་གིས་སྒྲུབ་འགན་འཁུར་བའི་སྐབས་དང་པོའི་ཀྲུང་གོའི་བོད་ལྗོངས་ཡུལ་སྐོར་དང་རིག་གནས་ཀྱི་རྒྱལ་སྤྱིའི་འགྲེམས་ཚོགས་ཀྱི་གསར་འགྱུར་ཡོངས་བསྒྲགས་ཚོགས་འདུ་ལྷ་སར་འཚོགས་ཤིང་།སྐབས་དང་པོའི་ཀྲུང་གོའི་བོད་ལྗོངས་ཡུལ་སྐོར་དང་རིག་གནས་ཀྱི་རྒྱལ་སྤྱིའི་འགྲེམས་ཚོགས་ཟླ་9ཚེས་25ནས་27ཉིན་བར་ལྷ་སར་གཉེར་རྒྱུའི་གཏན་འཁེལ་བྱས་པ་རེད།

    ལྗོངས་སྲིད་གཞུང་གི་དྲུང་ཆེ་བོད་ལྗོངས་འགྲེམས་ཚོགས་རྩ་འཛུགས་ཨུ་ཡོན་ལྷན་ཁང་གི་དྲུང་ཡིག་ཚོགས་ཆུང་གི་ཙུའུ་ཀྲང་གཞོན་པ་ཞུས་ཞུའེ་ཀོང་གིས་སྐབས་དང་པོའི་ཀྲུང་གོའི་བོད་ལྗོངས་ཡུལ་སྐོར་དང་རིག་གནས་ཀྱི་རྒྱལ་སྤྱིའི་འགྲེམས་ཚོགས་ཀྱི་འབྲེལ་ཡོད་གནས་ཚུལ་ངོ་སྤྲོད་གནང་བ་རེད།

    སྐབས་དང་པོའི་ཀྲུང་གོའི་བོད་ལྗོངས་ཡུལ་སྐོར་དང་རིག་གནས་ཀྱི་རྒྱལ་སྤྱིའི་འགྲེམས་ཚོགས་ཀྱི་ནང་དོན་གཙོ་བོར་འགོ་ཚུགས་མཛད་སྒོ་དང་།སྙིང་དོན་གླེང་སྟེགས།འགྲེམས་སྟོན།དཔལ་འབྱོར་ཚོང་དོན་གྱི་ངོ་འཕྲད་གྲོས་མོལ།མཇུག་འགྲིལ་མཛད་སྒོ་བཅས་ཕྱོགས་ཁག་5ཡོད་པའི་ཁྲོད་སྙིང་དོན་གླེང་སྟེགས་དེར“འཛམ་གླིང་གི་ཡུལ་སྐོར་དམིགས་ས་གལ་ཆེན་འཛུགས་སྐྱོང”དང“ཀྲུང་ཧྭ་མི་རིགས་ཀྱི་ཁྱད་ལྡན་རིག་གནས་སྲུང་སྐྱོང་ཁུལ་གལ་ཆེན་འཛུགས་སྐྱོང”གི་གྲོས་དོན་2ཡོད་པ་དང་།འགྲེམས་སྟོན་གྱི་བྱེད་སྒོ་སྤེལ་ཡུལ་ནི་བོད་ལྗོངས་རྟེན་རྫས་བཤམས་མཛོད་ཁང་ཡིན་པ་དང་།དེའི་ནང་དོན་ནི་ཡུལ་སྐོར་སྟེགས་བུ་དང་རིག་གནས་སྟེགས་བུ་གཉིས་ཡིན་པ།དཔལ་འབྱོར་ཚོང་དོན་གྱི་ངོ་འཕྲད་གྲོས་མོལ་དེར་རྒྱལ་ཕྱིའི་ཚོང་འགྲུལ་གྱི་རྟོག་ཞིབ་དང་།གྲོས་མོལ།ཚོང་འགུགས་མ་འདྲེན།གྲོས་མཐུན་འཇོག་པ་སོགས་ཚུད་ཡོད།ད་ཐེངས་ཀྱི་བོད་ལྗོངས་འགྲེམས་ཚོགས་དེ“བབ་ཆགས་གྲ་རྒྱས་དང་།དོན་གཉེར་ནུས་མཐོ།ཞི་མཐུན་རིམ་ལྡན།ཁྱད་ཆོས་འབུར་ཐོན”བཅས་ཀྱི་རྩ་དོན་གཞིར་བཟུང་འགོ་ཡག་པོ་འཛུགས་ཐུབ་པ་བྱས་ནས་རྒྱལ་སྤྱིའི་ཤུགས་རྐྱེན་ཐེབས་ཤུགས་དང་།རྒྱལ་ཡོངས་ཀྱི་ཤུགས་རྐྱེན་ཐེབས་ཤུགས།མངའ་ཁོངས་ཀྱི་ཁྲིད་སྟོན་ནུས་པ་བཅས་ལྡན་པའི་བོད་ཀྱི་ཡུལ་སྐོར་རིག་གནས་འོས་སྦྱོར་སྤེལ་རེས་ཀྱི་སྟེགས་བུ་རྩེ་གྲ་ཞིག་ཏུ་གཏོད་རྒྱུ་ཡིན་པ་རེད།

    བོད་ལྗོངས་འགྲེམས་ཚོགས་ཀྱི་འགྲེམས་སྟོན་ཟླ་9ཚེས་26ཉིན་དངོས་སུ་འགོ་འཛུགས་རྒྱུ་དང་བོད་ལྗོངས་རྟེན་རྫས་བཤམས་མཛོད་ཁང་སོགས་སུ་འགྲེམས་ཁང་བཙུགས་ནས་ཡུལ་སྐོར་སྟེགས་བུ་དང་རིག་གནས་སྟེགས་བུ་ཁག་གཉིས་ལ་དབྱེ་ཡོད།ཡུལ་སྐོར་འགྲེམས་སྟོན་དེར་ཡུལ་སྐོར་འཕེལ་རྒྱས་ཀྱི་གྲུབ་འབྲས་འགྲེམས་སྟོན་དང་།ཡུལ་སྐོར་མཛེས་ལྗོངས་ཁུལ་གྱི་པར་རིས་འགྲེམས་སྟོན།པར་ལེན་པར་རིས་དང་ཡུལ་སྐོར་ཚོང་ཟོག་འགྲེམས་སྟོན་བཅས་ནང་དོན་ཁ་ཤས་ཡོད་པ་དང་།རིག་གནས་འགྲེམས་སྟོན་དེར་གཙོ་བོ་བོད་ཀྱི་རིག་དངོས་འགྲེམས་སྟོན་དང་བོད་ཀྱི་ཐང་ག་བརྒྱའི་འགྲེམས་སྟོན་སོགས་ཡོད་པ་རེད། 

མཛའ་འབྲེལ་དྲ་བ།
010020070840000000000000011100001336379741