གསར་འགྱུར་ལྟེ་གནས། ནོར་སྲིད་ཁྲིམས་ལུགས། སྤྱི་ཚོགས་དམངས་འཚོ། ཚན་རྩལ་སློབ་གསོ། རིག་གནས་སྒྱུ་རྩལ། ཞིང་འབྲོག་གསར་པ།
སྣོད་བཅུད་ཡུལ་སྐོར། དམངས་སྲོལ་ཆོས་ལུཊ། དམིཊ་བསལ་ཆེད་སྒྲིག གནའ་དེང་མི་སྣ། བོད་སྐྱོར་ལས་དོན། གསོ་རིག་བོད་སྨན།
  • ༄༅།། རོལ་ དབྱངས་ གསར་ རྩོམ་ མཁན་ དང་ ཇོ་ རིའི་ དབར་ གྱི་ ལས་ དབང་།

 
2016-01-05        གསར་འགྱུར་འབྱུང་ཁུངས། མི་དམངས་ཉིན་རེའི་ཚགས་པར།        འགན་འཁུར་རྩོམ་སྒྲིག་པ། ཟླ་བ་ཚེ་རིང་།

    ཤིན་ཧྭ་གསར་འགྱུར་ཁང་པེ་ཅིང་ནས་ལུས་རྩལ་ཆེད་གཏོང་གློག་འཕྲིན་འབྱོར་གསལ། བདེ་སྐྱིད་འཚོ་ཐུག་ས་ནི་པེ་ཅིང་གི་ཀོག་ཧྥེ་ཁང་ཞིག་ཏུ་ཡིན། ཁོ་མོས་རི་འཛེག་གྱོན་ཆས་ཕུད་ནས་གསེར་སྐུད་ཀྱིས་མཐའ་འགྲིལ་བཏང་བའི་བོད་ལྭ་ཞིག་བརྗེ་བའི་སྐབས་སྔར་བཞིན་སྒེག་ཉམས་ལྡན།

    “རི་འཛེག་ནི་མི་ཚེའི་སྒྱུ་རྩལ་ཞིག་དང་། སྒྱུ་རྩལ་ནི་རི་འཛེག་གི་དོན་གཉེར་བྱ་ཡུལ་ཡིན”ཞེས་དེ་སྔ་ནས་འཛེག་འདོད་པའི་ཇོ་རིར་རྐང་ཐང་མར་མྱུལ་དཔྱད་བྱས་ཏེ་ཉིན་བཅུ་ཙམ་སོང་བའི་རོལ་དབྱངས་གསར་རྩོམ་མཁན་གྱིས་སྔར་བཞིན་དགའ་སྤྲོའི་རྣམ་འགྱུར་མི་ཉམས་པར་དེ་ལྟར་བཤད།

    ཉེ་བའི་ལོའི་ནང་། ཀྲུང་གོར་ཕྱིར་མྱུལ་དཔྱད་བྱེད་པའི་སྲོལ་དར་བ་དང་བསྟུན་གྲོང་ཁྱེར་བ་མང་པོ་ཞིག་རང་ཉིད་རྣམ་པར་རྒྱལ་བའི་ངར་ཤུགས་བསྐྱེད་དེ་མུ་ཁྱུད་ས་འཛིན་དང་གདོད་མའི་ནགས་སུ་འགྲོ་མཁན་མང་པོ་ཡོད་ཅིང་། ལོ་32ལ་སླེབས་པའི་བདེ་སྐྱིད་འཚོས་ཀྱང“རོལ་དབྱངས་གསར་རྩོམ་གྱི་རིག་པ་འཚོལ་བའི”འདུན་པ་བཅངས་ནས་རྐང་ཐང་མར་རི་འཛེག་པའི་ལམ་དུ་བཞུད།

    ཟླ་11ཚེས་13ཉིན་བདེ་སྐྱིད་འཚོ་དང་རོགས་པ་གཉིས་མཚོ་སྔོན་པོ་ནས་རྡོག་ཐོན་གྱིས་རྐང་ཐང་མར་ཉིན་13དང་སྤྱི་ལེ་སྟོང་བརྒལ་བ་དང་། ཁུ་ཁུ་ཤི་རི་དང་གདང་ལ་བརྒལ་ནས་འགྲོ་སྐབས་བདེ་སྐྱིད་འཚོ་དང་རོགས་པའང་ས་བབ་མཐོ་རུ་འགྲོ་བ་དང་ཆབས་ཅིག་ལུས་པོས་བཟོད་མི་ཐུབ་པར་གྱུར། ལྷ་ས་ནས་རྐང་ཐང་མར་པ་སྣམ་རྫོང་དུ་ཡོང་བའི་དུས་ནི། བདེ་སྐྱིད་འཚོའི་ངོས་ནས་བརྗོད་ན་དཀའ་སྡུག་ཆེ་ཤོས་ཀྱི་དུས་ཡིན། ཉིན་ལྟར་ཧ་ལམ་སྤྱི་ལེ་35ཕྱིན་པ་དང་ཉིན་གསུམ་པའི་སྐབས་ཁོ་མོར་རྐང་པ་འདེགས་དཀའ་བའི་ཚོར་སྣང་ཡང་བྱུང་ཡོད།

    འོན་ཀྱང་རང་བྱུང་ཁམས་ལ་དང་བ་ལྷག་པར་སྐྱེས་ཏེ་འགུལ་སྐྱོད་བྱེད་པའི་མཛེས་རིས་ནང་གནས་པ་ལྟ་བུར་གྱུར་ནས་ངལ་ཞིང་དུབ་པའི་བདེ་སྐྱིད་འཚོའི་ལུས་པོར་སྟོབས་ཤུགས་ལྷག་པར་འཕེལ།

    “སྒྱུ་རྩལ་གྱི་ལས་ཀ་ནི་རྐང་ཐང་མར་བསྐྱོད་པ་དང་འདྲ་བར་དཀའ་ངལ་ཆེ་ཤོས་སྐབས་སྡུག་བསྲན་ཐེག་པ་དང་འབད་པ་ལྷོད་མེད་བྱས་ཚེ། མཐར་རང་ཉིད་ཀྱི་ལུས་སེམས་གཉིས་ཀ་རིམ་གྱིས་གོམས་པར་འགྱུར་སྲིད་པའང་ཡིན”ཞེས་ཁོ་མོས་རྐང་ཐང་མར་རི་འཛེགས་པ་ལས།རང་ཉིད་ལ་ངོས་འཛིན་གསར་པ་བྱེད་ཐུབ་ཁར། རང་ལུས་ལ་རྫོགས་མཐའ་མེད་པའི་ནུས་པ་ཆེན་པོ་ཡོད་པའང་ཤེས་ཚུལ་བཤད། པེ་ཅིང་ལ་ལོག་རྗེས་བདེ་སྐྱིད་འཚོ་དང་ཉི་བས་སྤྱི་གླིང་ནང་རྒྱུག་ཤར་དང་རི་འཛེག་རྒྱུ་སོགས་ཚུད་པའི་ལུས་སྦྱོང་གི་འཆར་གཞི་ཞིབ་ཕྲ་བཟོས་ཤིང་།ཉིན་ཞིག་ཁོ་མོས་ཡང་བསྐྱར་ཇོ་རི་འཛེག་རྒྱུའི་འདུན་པ་འཆང་བཞིན་མཆིས།

མཛའ་འབྲེལ་དྲ་བ།
010020070840000000000000011100001349788571