བོད་ལྗོངས།
ཧོ་པེའི་སློབ་གསོའི་ཚོགས་སྒྲིག་རྣམ་པའི་བོད་སྐྱོར་དཔུང་ཁག་གསར་པས“སློབ་གྲྭ་མཉམ་འབྲེལ་བྱེད་སྟངས”ལ་བརྟེན་ནས་སློབ་གསོའི་བོད་སྐྱོར་གྱི་ལམ་བུ་གསར་པ་འཚོལ་ཞིབ་བྱས་པ།

    འདི་ནི“གཅེས་སེམས་རོལ་དབྱངས”ཚོགས་པས་ཉིང་ཁྲི་གྲོང་ཁྱེར་སློབ་ཆུང་གཉིས་པར་སྤྱི་ཕན་སློབ་སྐྱོར་བྱེད་སྒོ་སྤེལ་སྐབས་བརྒྱབ་པའི་མཉམ་པར་ཡིན་པ།

    ཉེ་ཆར། གསར་འགོད་པར་རང་སྐྱོང་ལྗོངས་སློབ་གསོ་ཐིང་ནས་ཤེས་རྟོགས་བྱུང་བར། ཧོ་པེ་ཞིང་ཆེན་གྱི་སློབ་གསོའི་ཤེས་ལྡན་པའི་ཚོགས་སྒྲིག་རྣམ་པའི་བོད་སྐྱོར་དཔུང་ཁག་གསར་པ་བོད་དུ་འབྱོར་ནས་ལོ་གཅིག་ལྷག་གི་རིང་ཧོ་པེ་ཞིང་ཆེན་གྱི་རྒྱབ་སྐྱོར་ཤུགས་ཆེན་འོག་ཕྱོགས་ཡོངས་དང་། ཐབས་ལམ་རྒྱ་ཆེན་པོ། ཁྱབ་ཁོངས་སྣ་ཚོགས་བཅས་ཀྱིས་མི་རིགས་སྤེལ་རེས་དང་འགྲོ་འོང་གི་བྱེད་སྒོ་སྤེལ་ནས་རོགས་སྐྱོར་བྱེད་མཁན་སློབ་གྲྭ་དང་རོགས་སྐྱོར་བྱ་ཡུལ་སློབ་གྲྭའི་སྤུས་ལེགས་སློབ་གསོའི་ཐོན་ཁུངས་མཉམ་སྤྱོད་བྱེད་པ་དང་། དགེ་སློབ་མཉམ་དུ་གསོ་སྦྱོང་བྱེད་པའི་སློབ་གསོའི་བོད་སྐྱོར་ལམ་སྲོལ་འཛུགས་པ། “སློབ་གྲྭ་མཉམ་འབྲེལ་བྱེད་སྟངས”བློ་ཁོག་ཆེན་པོས་ཚོད་ལྟ་བཅས་བྱས་ཏེ་ཚོགས་སྒྲིག་རྣམ་པའི་སློབ་གསོའི་བོད་སྐྱོར་གྱི་ལམ་བུ་གསར་པ་འཚོལ་ཞིབ་བྱས་ཏེ་བོད་ལྗོངས་ཀྱི་སློབ་གྲྭ་དང་ནང་སའི་སློབ་གྲྭའི་སྦྲེལ་མཐུད་ལ་ཤུགས་སྣོན་ཆེན་པོ་བརྒྱབ་པས་སྔོན་ཐོན་འདུ་ཤེས་ཀུན་ཁྱབ་དང་། སྤུས་ལེགས་ཐོན་ཁུངས་མཉམ་སྤྱོད། དགེ་རྒན་གྱི་སྟོབས་ཤུགས་གཉིས་སྤྱོད་བཅས་མངོན་འགྱུར་བྱུང་སྟེ་རོགས་སྐྱོར་བྱ་ཡུལ་སློབ་གྲྭའི་དགེ་སློབ་བདེ་སྐྱིད་ལྡན་པའི་ངང་འཚར་ལོངས་ཡོང་བར་སྐུལ་འདེད་ཐེབས་ཡོད་པ་རེད།

    རོགས་སྐྱོར་བྱ་ཡུལ་སློབ་གྲྭའི་དགེ་རྒན་གྱི་ཆེད་ལས་ཡོན་ཚད་དང་སློབ་མའི་ཡར་རྒྱས་ལ་སྔར་བས་སྐུལ་འདེད་གཏོང་ཆེད། བོད་སྐྱོར་དཔུང་ཁག་གིས་རོགས་སྐྱོར་བྱ་ཡུལ་སློབ་གྲྭའི་འཕེལ་རྒྱས་ཀྱི་དོན་དངོས་ལ་གཞིགས་པ་དང་། རོགས་སྐྱོར་བྱེད་མཁན་སློབ་གྲྭའི་སློབ་ཚན་གྱི་ཐོན་ཁུངས་ལེགས་ཆ་བེད་སྤྱོད་གང་ལེགས་བྱེད་པ། དགེ་རྒན་གྲགས་ཅན་གྱིས་སྣེ་ཁྲིད་དཔེ་སྟོན་གྱི་ནུས་པར་བརྟེན་པ་བཅས་བྱས་ཏེ་སློབ་གྲྭས་ཧོ་པེ་ཞིང་ཆེན་གྱི་དགེ་རྒན་གྲགས་ཅན་ལས་དོན་ཁང་གི་དགེ་རྒན་གདན་དྲངས་ནས་ལྷ་ས་མངའ་རིས་ཧོ་པེ་ཆ་ཚང་སློབ་འབྲིང་དུ་སློབ་ཁྲིད་སློབ་དཔྱོད་ཀྱི་སྤེལ་རེས་བྱེད་སྒོ་སྤེལ་བ་ཕུད། ལྷ་ས་མངའ་རིས་ཧོ་པེ་ཆ་ཚང་སློབ་འབྲིང་གི་བོད་རིགས་དོ་དམ་པ་དང་དེ་བཞིན་དགེ་རྒན་20ལྷག་ཙམ་ཧྲི་ཅ་ཀྲོང་དང་། ཧན་ཧྲུའེ། ཧན་ཏན་བཅས་ཀྱི་ཕུལ་བྱུང་སློབ་གྲྭར་བཏང་ནས་དུས་ཡུན་ཟླ་ཕྱེད་རིང་གི་སློབ་སྦྱོང་དང་སྤེལ་རེས་ཀྱི་བྱེད་སྒོ་སྤེལ་བ་རེད།

    སློབ་གསོའི་བོད་སྐྱོར་གྱི་སྤེལ་རེས་དང་། འགྲོ་འོང་། མཉམ་འདྲེས་བཅས་ཀྱི་ལས་ཀའི་ཉམས་མྱོང་འཚོལ་ཞིབ་གཏིང་ཟབ་བྱེད་པ་དང་། འབྲེལ་ཟམ་གྱི་ནུས་པ་གང་ལེགས་འདོན་པ། ཧོ་པེ་དང་བོད་ཀྱི་འགྲོ་འོང་དང་། སྤེལ་རེས། མཉམ་འདྲེས་བཅས་ཀྱི་ལམ་སྲོལ་འཛུགས་པ་བཅས་བྱས་ཏེ་ལྷ་ས་མངའ་རིས་ཧོ་པེ་ཆ་ཚང་སློབ་འབྲིང་དང་ཧོ་པེ་ཞིང་ཆེན་ཁ་གཏད་རོགས་སྐྱོར་སློབ་གྲྭས་ཁྱབ་ཁོངས་སྔར་བས་ཆེ་བ་དང་སྔར་བས་གཏིང་ཟབ་པའི་སྤེལ་རེས་མཉམ་ལས་ལ་སྐུལ་འདེད་བཏང་བ་རེད།

    “སློབ་གྲྭ་མཉམ་འབྲེལ་བྱེད་སྟངས”བཏོད་དེ་ཧོ་པེ་དང་མངའ་རིས་ས་ཁུལ་གྱི་སློབ་གསོ་མཉམ་སྐྱོད་ཀྱི“མཁའ་ལམ”དང་། ས་ཁུལ་གཉིས་པོའི་མི་རིགས་ཁག་གི་མི་དམངས་ཀྱི་བརྩེ་དུང་འགྲོ་འོང་དང་། སྤེལ་རེས། མཉམ་འདྲེས་བཅས་ཀྱི“མཁའ་ལམ”བཏོད་པ་མ་ཟད། མངའ་རིས་ས་ཁུལ་གྱི་ཞིང་འབྲོག་པའི་བུ་ཕྲུག་ས་མཐོ་ནས་ཐོན་སའི“མཁའ་ལམ”དེ་བས་ཀྱང་བཏོད་པས། རང་ལྗོངས་ཀྱི་སློབ་གྲྭ་དང་ནང་སའི་སློབ་གྲྭ་སྦྲེལ་མཐུད་བྱེད་ཤུགས་སྔར་བས་ཆེ་རུ་ཕྱིན་ཏེ་སྔོན་ཐོན་གྱི་འདུ་ཤེས་ཀུན་ཁྱབ་དང་། སྤུས་ལེགས་ཀྱི་ཐོན་ཁུངས་མཉམ་སྤྱོད། དགེ་རྒན་གྱི་དཔུང་ཁག་མཉམ་སྤྱོད། དགེ་སློབ་ཀྱི་བརྩེ་དུང་མཉམ་འཕེལ་བཅས་བྱུང་ཡོད།

(འགན་འཁུར་རྩོམ་སྒྲིག་པ། ཟླ་བ་ཚེ་རིང་།)

ཤིན་ཧྭ་དྲ་བ་མ་རྐང་ཚད་ཡོད་ཀུང་སིའི་བོད་ལྗོངས་ཡན་ལག་ཀུང་སི། ཤིན་ཧྭ་དྲ་བའི་བོད་ལྗོངས་འཕྲིན་ལམ། ཞལ་པར་ཨང་གྲངས། ༠༨༩༡--༦༢༨༢༥༢༡

Copyright @ 2000-2020 XINHUANET.com All Rights Reserved.

འདི་ག་དྲ་ཚུགས་ཐོག་བཀོད་པའི་ཤིན་ཧྭ་གསར་འགྱུར་ཁང་དང་ཤིན་ཧྭ་དྲ་བའི་གསར་འགྱུར། ཆ་འཕྲིན། དེ་བཞིན་ཆེད་སྒྲིག་སོགས་ཀྱི་ཡིག་ཆ་ཚང་མའི་བདག་དབང་ཤིན་ཧྭ་གསར་འགྱུར་ཁང་ལ་བདག་པས་གན་རྒྱ་དང་དབང་ཆ་སྤྲད་མེད་ཚེ་རང་དགར་ཕབ་སྤྱོད་བྱེད་མི་ཆོག

010020070840000000000000011100001395416171