བོད་ལྗོངས།
༄༅།།བོད་ཀྱི་རིགས་གཅིག་མཁས་ཅན་དགེ་རྒན་ཆེ་མོ་བ་གསུམ་ལ“རྒྱལ་ཡོངས་ཀྱི་གྲགས་ཅན་ཀྲུང་ལུགས་སྨན་པའི”མཚན་སྙན་ཐོབ་པ།

    ཉེ་དུས་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་པུའུ་དང་། རྒྱལ་ཁབ་འཕྲོད་བསྟེན་དང་འཆར་བཅའ་ཨུ་ལྷན། རྒྱལ་ཁབ་ཀྲུང་ལུགས་གསོ་རིག་སྨན་རྫས་ཅུས་བཅས་ཀྱིས་ཐུན་མོང་ཐོག་བདམས་པའི“རྒྱལ་ཁབ་ཀྱི་སྨན་པ་གྲགས་ཅན”30དང“རྒྱལ་ཡོངས་ཀྱི་ཀྲུང་ལུགས་སྨན་པ་གྲགས་ཅན”99ཡི་ཁྲོད་རང་ལྗོངས་ཀྱི་སྐལ་བཟང་ཕུན་ཚོགས་དང་། རྣམ་རྒྱལ། དབང་འདུས་བཅས་རིགས་གཅིག་མཁས་ཅན་དགེ་རྒན་ཆེ་མོ་བ་གསུམ་ལ“རྒྱལ་ཡོངས་ཀྱི་ཀྲུང་ལུཌ་སྨན་པ་གྲགས་ཅན”གྱི་གཟི་བརྗིད་མཚན་སྙན་ཐོབ་ཡོད་པ་རེད།

    ཤེས་རྟོགས་བྱུང་བར་གཞིགས་ན། རིགས་གཅིག་མཁས་ཅན་དགེ་རྒན་ཆེ་མོ་བ་གསུམ་པོ་དེ་དག་ལྷོ་ཁ་གྲོང་ཁྱེར་སྨན་རྩིས་ཁང་དང་། གཞིས་རྩེ་གྲོང་ཁྱེར་སྨན་རྩིས་ཁང་། བོད་ལྗོངས་གསོ་རིག་སློབ་གླིང་བཅས་སོ་སོ་ནས་ཡིན་ཞིང་། དེའི་ནང་སྐལ་བཟང་ཕུན་ཚོགས་དང་རྣམ་རྒྱལ་ནི་རང་ལྗོངས་ཀྱི་བོད་སྨན་སྨན་པ་གྲགས་ཅན་རྒན་གྲས་ཡིན་ཞིང་། དུས་ཡུན་རིང་པོའི་ནང་བོད་ཀྱི་གསོ་བ་རིག་པའི་བྱ་གཞག་རྒྱུན་འཛིན་དང་གོང་འཕེལ་ལ་གཞོལ་ཏེ་བོད་ཀྱི་གསོ་བ་རིག་པའི་ཚན་རིག་དང་མཐུན་པའི་སྲོལ་རྒྱུན་ཤེས་བྱ་དང་གཞི་རྩའི་བྱེད་ཐབས་ཕན་ཚུན་ཟུང་འབྲེལ་བྱས་ནས་སྲོལ་རྒྱུན་ལ་གཙིགས་ཆེན་དང་། ཟུང་འབྲེལ་ལ་གཙིགས་ཆེན། དངོས་ཕན་ལ་གཙིགས་ཆེན་བཅས་ཀྱི་གསར་གཏོད་བསམ་ཕྱོགས་བཏོན་ཡོད་པ་དང་ལྷག་པར་དུ་བོད་ལུགས་གསོ་བ་རིག་པའི་སྨན་པ་གྲགས་ཅན་རྒན་གྲས་ཚོས་བོད་རིགས་ས་ཁུལ་གྱི་ཁྱད་ཆོས་ལྡན་པའི་དཀའ་རྙོག་ཆེ་བའི་ནད་གཞི་ཁག་གཅིག་ལ་སྲོལ་རྒྱུན་གྱི་རིགས་པའི་གཞུང་ལུགས་དང་དེང་རབས་ཀྱི་སྨན་བཅོས་བྱ་ཐབས་ཟུང་འབྲེལ་བྱས་ནས་དམིགས་བསལ་གྱི་ཕན་ནུས་ལྡན་པའི་བོད་སྨན་ཁག་གཅིག་ཞིབ་འཇུག་བྱས་ནས་བཟོས་པ་རེད།

འགན་འཁུར་རྩོམ་སྒྲིག་པ། ཟླ་བ་ཚེ་རིང་།
010020070840000000000000011100001366263691